കോഴിക്കോട്: ലോക്ക് ഡൗൺ അമ്പത് ദിവസം പിന്നിട്ടിട്ടും ജനങ്ങൾക്ക് വേണ്ട സൗകര്യം ഒരുക്കുന്നതിൽ കേന്ദ്ര - സംസ്ഥാന സർക്കാരുകൾ പരാജയപ്പെട്ടെന്ന് കെ.പി.സി.സി വൈസ് പ്രസിഡന്റ് അഡ്വ. ടി. സിദ്ദിഖ് പറഞ്ഞു. കേന്ദ്ര - സംസ്ഥാന സർക്കാരുകളുടെ അനാസ്ഥയ്‌ക്കും, തൊഴിലാളികളുടെ ദുരിതത്തിൽ പ്രതിഷേധിച്ചും സംസ്ഥാന വ്യാപകമായി സർക്കാർ ഓഫീസുകൾക്ക് മുന്നിൽ കോൺഗ്രസ് നടത്തിയ കുത്തിയിരിപ്പ് സമരത്തിന്റെ ജില്ലാതല ഉദ്ഘാടനം പന്നിയങ്കരയിൽ നിർവഹിക്കുകയായിരുന്നു അദ്ദേഹം. പന്നിയങ്കര വില്ലേജ് ഓഫീസിന് മുന്നിൽ നടന്ന സമരത്തിൽ മണ്ഡലം പ്രസിഡന്റ് കാളകണ്ടി ബൈജു അദ്ധ്യക്ഷത വഹിച്ചു. വി. അബ്ദുൾ റസാഖ് മുഖ്യപ്രഭാഷണം നടത്തി. ഡി.സി.സി ജനറൽ സെക്രട്ടറി എം.സി. സുധാമണി, ദേശീയ ശാസ്ത്രവേദി ജില്ലാ പ്രസിഡന്റ് കെ.ആർ. ഗിരീഷ്, ഐ.എൻ.ടി.യു.സി ജില്ലാ സെക്രട്ടറി കെ. ഷാജി, ബ്ലോക്ക് കോൺഗ്രസ് സെക്രട്ടറി കെ.വി. സുരേഷ് ബാബു, ഹത്വുമ്മ നജ്ജു,ശ്രീകാന്ത് പിലാക്കാട്ട്, ഉമേഷ് മാനാരി, കൃഷ്ണദാസ് മാനാരി, മുരളി മാനാരി, കെ.വി. കൃഷ്ണൻ, കെ.വി. ജ്യോതി പ്രകാശ്, ഇ.വി. നജ്മുദ്ദീൻ, എം.സി. വിമൽ, എം. ഷിജിത്ത്, വിബീഷ്ബാബു എന്നിവർ നേതൃത്വം നൽകി.