കോട്ടയം : റെഡ് സോണിൽ ഉൾപ്പെട്ട കോട്ടയം ജില്ലയിൽ കണ്ടെയ്ൻമെന്റ് മേഖലകളിൽ ഒഴികെ കൂടുതൽ ഇളവുകൾ അനുവദിച്ച് ജില്ലാ കളക്ടർ ഉത്തരവായി. കേന്ദ്ര ആഭ്യന്തര മന്ത്രാലയത്തിന്റെയും സംസ്ഥാന പൊതുഭരണ വകുപ്പിന്റെയും ഉത്തരവുകളുടെ അടിസ്ഥാനത്തിലാണ് നടപടി. ജില്ലയിൽ പൊതുവേ ബാധമാകമായ പ്രവർത്തനങ്ങൾക്കും സേവനങ്ങൾക്കുമായി വ്യക്തികളും വാഹനങ്ങളും സഞ്ചരിക്കുന്നതിന് അനുമതിയുണ്ട്. നാലു ചക്ര വാഹനങ്ങളിൽ ഡ്രൈവറെ കൂടാതെ രണ്ടു പേർക്ക് സഞ്ചരിക്കാം. ഇരുചക്ര വാഹനങ്ങളിൽ ഒരാൾക്കു മാത്രമേ സഞ്ചരിക്കാൻ അനുമതിയുള്ളൂ. അവശ്യവസ്തു വിതരണവുമായി ബന്ധപ്പെട്ട ഇ കൊമേഴ്‌സ് സ്ഥാപനങ്ങൾക്ക് പ്രവർത്തിക്കാം. സ്വകാര്യ ഓഫീസുകൾക്ക് പരമാവധി 33 ശതമാനം ജീവനക്കാരെ നിയോഗിച്ച് പ്രവർത്തിക്കാം. അവശ്യ സേവനത്തിനായി നിലവിൽ പ്രവർത്തിക്കുന്നവയ്ക്കു പുറമെയുള്ള എല്ലാ സർക്കാർ ഓഫീസുകളും 33 ശതമാനം ജീവനക്കാരെ നിയോഗിച്ച് പ്രവർത്തിക്കാം. ബാങ്കുകൾ, എ.ടി.എമ്മുകൾ, ബാങ്കിംഗ് പ്രവർത്തനങ്ങൾക്കുള്ള ഐ.ടി സേവനദാതാക്കൾ, എ.ടി.എം ഓപ്പറേഷൻ ആന്റ് കാഷ് മാനേജ്‌മെന്റ് ഏജൻസികൾ എന്നിവയ്ക്ക് അവശ്യം വേണ്ട ജീവനക്കാരെ നിയോഗിച്ച് പ്രവർത്തിക്കാം. സാമൂഹിക, രാഷ്ട്രീയ, കായിക വിനോദ, വിദ്യാഭ്യാസ, സാംസ്‌കാരിക, സാമുദായിക കൂടിച്ചേരലുകൾ
ആരാധനാലയങ്ങളിലും മതപരമായ പ്രവർത്തനങ്ങൾക്കുള്ള സ്ഥലങ്ങളിലും പൊതുജനങ്ങൾക്കുള്ള പ്രവേശനം.
നഗരമേഖലകളിൽ
വ്യവസായ പാർക്കുകൾ
കയറ്റുമതി അധിഷ്ഠിത യൂണിറ്റുകൾ
അവശ്യ സാധനങ്ങളുടെ നിർമാണ കേന്ദ്രങ്ങൾ(മരുന്നുകൾ, മെഡിക്കൽ ഉപകരണങ്ങൾ, മെഡിക്കൽ മേഖലയുമായി ബന്ധപ്പെട്ട അസംസ്‌കൃത വസ്തുക്കൾ, ഐടി ഹാർഡ് വെയർ, പാക്കിംഗ് സാമഗ്രികൾ എന്നിവയുടേത് ഉൾപ്പെടെ)
നിർമ്മാണ സ്ഥലത്തു താമസിക്കുന്ന ജോലിക്കാരെ മാത്രം നിയോഗിച്ച് നടത്തുന്ന നിർമാണ പ്രവർത്തനങ്ങൾ
മാർക്കറ്റുകളിലെ അവശ്യ വസ്തു വിൽപ്പന കേന്ദ്രങ്ങൾ
ഒറ്റപ്പെട്ട കടകൾ, റസിഡൻഷ്യൽ കോംപ്ലക്‌സുകളിലെ വ്യാപാര സ്ഥാപനങ്ങൾ(ഇതിന് അവശ്യ വസ്തു, അവശ്യവസ്തു അല്ലാത്തത് എന്ന വേർതിരിവില്ല)
ഗ്രാമപ്രദേശങ്ങളിൽ
എല്ലാ വ്യവസായ സ്ഥാപനങ്ങളും
മാളുകൾ ഒഴികെയുള്ള എല്ലാ വ്യാപാര സ്ഥാപനങ്ങളും
എല്ലാ കെട്ടിട നിർമാണ പ്രവർത്തനങ്ങളും
തുടരുന്ന നിരോധനങ്ങൾ
ടാക്‌സികൾ, ഓട്ടോറിക്ഷകൾ, ജില്ലാഅന്തർജില്ലാ ബസ് സർവീസുകൾ, ബാർബർ ഷോപ്പുകൾ, സ്പാകൾ, സലൂണുകൾ, പൊതു ഗതാഗത സംവിധാനങ്ങൾ, വിദ്യാഭ്യാസ സ്ഥാപനങ്ങൾ, പരിശീലന സ്ഥാപനങ്ങൾ, സിനിമാ ശാലകൾ, ഷോപ്പിംഗ് മാളുകൾ, ജിംനേഷ്യങ്ങൾ, സ്‌പോർട്‌സ് കോംപ്ലക്‌സുകൾ, നീന്തൽകുളങ്ങൾ, പാർക്കുകൾ, ഓഡിറ്റോറിയങ്ങൾ എന്നിവയ്ക്കുള്ള നിരോധനം