കോട്ടയം:കൊവിഡ് വരുത്തിവയ്ക്കുന്ന സാമ്പത്തിക ബുദ്ധിമുട്ടിന്റെ പശ്ചാത്തലത്തിൽ വിദ്യാഭ്യാസ വായ്‌പകൾ എഴുതിതള്ളണമെന്ന് തോമസ് ചാഴികാടൻ എം.പി ആവശ്യപ്പെട്ടു. വിദ്യാഭ്യാസ വായ്പ എഴുതിത്തള്ളണമെന്നും അന്യസംസ്ഥാനങ്ങളിൽ കുടുങ്ങി കിടക്കുന്ന വിദ്യാർഥികളെ അടിയന്തരമായി നാട്ടിൽ എത്തിക്കണമെന്നും ആവശ്യപ്പെട്ട് കെ.എസ്.സി (എം) സംസ്ഥാന കമ്മിറ്റി നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡൻ്റ് അബേഷ് അലോഷ്യസ് അദ്ധ്യക്ഷത വഹിച്ചു. കൊവിഡ് പ്രതിരോധ മാനദണ്ഡങ്ങൾ പാലിച്ചാണ് ധർണ നടത്തിയത്. കേരളാ കോൺഗ്രസ് (എം) ഉന്നതാധികാര സമിതി അംഗം അഡ്വ.ജോബ് മൈക്കിൾ മുഖ്യപ്രഭാഷണം നടത്തി. പാർട്ടി ജില്ലാ ഓഫീസ് ചാർജ് ജനറൽ സെക്രട്ടറി ജോസഫ് ചാമക്കാല,കെ എസ് സി (എം) സംസ്ഥാന ജനറൽ സെക്രട്ടറി അലക്‌സാണ്ടർ കുതിരവേലി,അഖിൽ മാടക്കൻ,അമൽ ചാമക്കാല തുടങ്ങിയവർ ധർണയ്ക്ക് നേതൃത്വം നൽകി.