പാലാ : കൊവിഡ് പ്രതിരോധ രംഗത്ത് പാലാ പൊലീസ് മാതൃകാപരമായ പ്രവർത്തനമാണ് കാഴ്ചവച്ചതെന്ന് ജോസ് കെ.മാണി എം.പി അഭിപ്രായപ്പെട്ടു. കൊവിഡ് പ്രതിരോധ പ്രവർത്തന അവലോകനത്തിനായി പാലാ പൊലീസ് സ്റ്റേഷനിൽ എത്തിയതായിരുന്നു അദ്ദേഹം. ഡിവൈ.എസ്.പി ഷാജിമോൻ ജോസഫ്,സി. ഐ വി.എ.സുരേഷ്, എസ്.ഐ മാരായ ഹാഷിം,ഷാജി സെബാസ്റ്റിയൻ എന്നിവർ ചേർന്ന് എം.പിയെ സ്വീകരിച്ചു. വലവൂർ സഹകരണ ബാങ്ക് പ്രസിഡന്റ് ഫിലിഫ് കുഴികുളം,വ്യാപാരി വ്യവസായി ഏകോപന സമിതി പി.ആർ.ഒ ബൈജു കൊല്ലമ്പറമ്പിൽ, ജോസുകുട്ടി പൂവേലി എന്നിവരും ഒപ്പമുണ്ടായിരുന്നു.