പൊൻകുന്നം:ബിരിയാണി വില്പനയിലൂടെ ലഭിച്ച 40000 രൂപ മുഖ്യമന്ത്രിയുടെ കൊവിഡ് ദുരിതാശ്വാസ നിധിയിലേയ്ക്ക് നൽകി സി.പി.എം തോണിപ്പാറ ബ്രാഞ്ച് കമ്മിറ്റി.ആയിരം ബിരിയാണിയാണ് ഇവർ വിതരണം ചെയ്തത്.പാചകവും,പായ്ക്കിംഗും ഉൾപ്പെടെ എല്ലാ ജോലികളും അംഗങ്ങൾ തന്നെയാണ് ചെയ്തത്. ഓരോരുത്തരും ഓർഡറുകൾ സ്വീകരിക്കുകയും അവ സ്വന്തമായി വിതരണം നടത്തിയുമാണ് തുക കണ്ടെത്തിയത്.വിതരണത്തിലൂടെ ലഭിച്ച തുകയിൽ നിന്നും ചിലവ് കഴിഞ്ഞുള്ള തുകയായ 40000 രൂപ മുഖ്യമന്ത്രിയുടെ ദുരിതാശ്വാസ നിധിയിൽ നിക്ഷേപിച്ചു.
കൊവിഡ് 19 പ്രതിരോധ പ്രവർത്തനങ്ങളുടെ ഭാഗമായി പ്രദേശത്തെ കുടുംബങ്ങൾക്ക് കിറ്റുകൾ വിതരണം ചെയ്യുന്നത് ഉൾപ്പടെയുള്ള പ്രവർത്തനങ്ങൾ മുൻപും ബ്രാഞ്ചിന്റെ നേതൃത്വത്തിൽ സംഘടിപ്പിച്ചിരുന്നു.