വൃക്കയിലുണ്ടാകുന്ന കല്ലു രൂപത്തിലുള്ള കടുപ്പമേറിയ വസ്തുക്കളാണ് മൂത്രത്തിൽ കല്ല് എന്ന് അറിയപ്പെടുന്നത്. കൃത്യസമയത്ത് ചികിത്സിച്ചില്ലെങ്കിൽ വൃക്കയുടെ പ്രവർത്തനം തന്നെ തകരാറിലായി രക്തത്തിൽ മാലിന്യങ്ങൾ കൂടാൻ ഇത് ഇടയാക്കും. ശരീരത്തിൽ കാൽസ്യത്തിന്റെ അളവ് കൂടുമ്പോൾ അത് കല്ലുകളുടെ രൂപത്തിൽ ശേഖരിക്കപ്പെടുന്നതാണിത്. ഇതിന് മൂർച്ചയേറിയ അരികുകളുമുണ്ടാകും. ഇവ രോഗികളിൽ അസഹ്യമായ വേദനയ്ക്ക് കാരണമാകും.

വെള്ളം ആവശ്യത്തിന് കുടിക്കാത്തത് പലപ്പോഴും വൃക്കയിലെ കല്ലുകൾക്ക് കാരണമാകാറുണ്ട്. മൂത്രത്തിൽ കല്ലുള്ളവർ ദിവസം കുറഞ്ഞത് നാല് ലിറ്റർ വെള്ളമെങ്കിലും കുടിച്ചിരിക്കണം. വേനൽക്കാലങ്ങളിൽ വെള്ളത്തിന്റെ അളവ് വീണ്ടും കൂട്ടേണ്ടിവരും. പ്രത്യേകിച്ച് ചൂടിൽ പണിയെടുക്കുന്നവർ. ഭക്ഷണ രീതിയിൽ വരുത്തുന്ന മാറ്റങ്ങളും പലപ്പോഴും മൂത്രത്തിൽ കല്ലിന് കാരണമാകുന്നു. പാരമ്പര്യമായും ഇത്തരം രോഗങ്ങൾക്കുള്ള സാധ്യതയേറെയാണ്.

മൂത്രത്തിലെ കല്ല് പരിഹരിയ്ക്കാൻ പല സ്വാഭാവിക, പ്രകൃതിദത്ത വഴികളുമുണ്ട്. രോഗത്തിന്റെ പ്രാഥമിക ഘട്ടത്തിലാണെങ്കിൽ ഇത്തരം വീട്ടു ചികിത്സ നടത്താവുന്നതാണ്. ഫലപ്രദമായി ഉപയോഗിക്കാവുന്ന ഒരു മരുന്നാണ് പേരയ്ക്ക. മരുന്നാണെന്ന് കരുതി നേരെ പേരക്ക തിന്നുകയല്ല വേണ്ടത്. അത് ഇത്തരം രോഗികളിൽ ഗുണത്തേക്കാളേറെ ദോഷത്തിന് കാരണമാകും. പ്രത്യേകിച്ച് പേരക്കയുടെ കുരു മൂത്രാശയത്തിൽ കല്ലുള്ളവർക്ക് ദോഷം ചെയ്യുന്നതുമാണ്.

നല്ലതുപോലെ പഴുത്ത പേരയ്ക്കയാണ് മരുന്നിനായി എടുക്കേണ്ടത്. ഉള്ളിലെ കുരു പൂർണ്ണമായും നീക്കം ചെയ്യണം. അതിനായി പേരക്കയുടെ മുകൾഭാഗം തൊപ്പി പോലെ ചെത്തിയെടുത്ത് മാറ്റി വയ്ക്കുക. പിന്നീട് ഉള്ളിൽ നിന്നും കുരു ഉള്ള ഭാഗം പൂർണ്ണമായും നീക്കം ചെയ്യാം. കത്തിയോ സ്പൂണോ ഇതിനായി ഉപയോഗിക്കാം. പേരക്കയുടെ ഉള്ളിൽ നിന്നും ചുറ്റിച്ചെടുത്ത് മാംസവും കുരുവുമായുള്ള ഭാഗം നീക്കം ചെയ്യുക. ഇതോടെ പേരയ്ക്കയുടെ ഉള്ളില്‍ പൊള്ളയായ ഭാഗം വരും. ഇതിലേയ്ക്ക് ഒരു ടീസ്പൂണ്‍ സോഡാക്കാരം ചേർക്കണം. അപ്പവും മറ്റും ഉണ്ടാക്കാൻ ഉപയോഗിയ്ക്കുന്ന അപ്പക്കാരം തന്നെയാണ് ഈ മരുന്നിലും ഉപയോഗിയ്ക്കുക. പേരയ്ക്കയുടെ ഉള്ളിൽ ഈ സോഡാപ്പൊടി ഇട്ട ശേഷം നേരത്തെ മാറ്റി വച്ചിരിയ്ക്കുന്ന പേരയ്ക്കയുടെ മുകൾ ഭാഗം കൊണ്ട് അടച്ചു വയ്ക്കാം. അഞ്ചു മിനിറ്റിനു ശേഷം കഴിയ്ക്കാം. ഈ പേരക്കാ മരുന്ന് രാവിലെ വെറുംവയറ്റിലാണ് കഴിക്കേണ്ടത്. ഇതു കഴിച്ച ശേഷം ചുരുങ്ങിയത് ഒരു മണിക്കൂർ ശേഷം മാത്രമേ ഭക്ഷണം കഴിയ്ക്കാവൂ. അടുപ്പിച്ച് ഏഴു ദിവസം ഇങ്ങനെ ഈ രീതിയിൽ ബേക്കിംഗ് സോഡയും ചേർത്ത് പേരയ്ക്ക കഴിച്ചാൽ കിഡ്‌നി സ്‌റ്റോണിന് പരിഹാരമുണ്ടാകും.