മുംബയ്: മഹാരാഷ്ട്രയിലെ പാൽഘറിൽ സന്ന്യാസിമാരെ കൊലപ്പെടുത്തിയ കേസിലെ പ്രതിക്ക് കൊവിഡ് സ്ഥിരീകരിച്ചു. ജയിലിൽ കഴിയുകയായിരുന്ന അമ്പത്തഞ്ചുകാരനാണ് കൊവിഡ് സ്ഥീരികരിച്ചത്. പ്രതിക്കൊപ്പം ലോക്കപ്പിൽ കഴിഞ്ഞ 30 പേരെയും പരിശോധനയ്ക്ക് വിധേയമാക്കും

ഗുജറാത്ത് അതിർത്തി ഗ്രാമമായ കാസയിൽ ഏപ്രിൽ പതിനാറിനാണ് കൊലപാതകം നടന്നത്.കാറിൽ സഞ്ചരിക്കുകയായിരുന്ന സന്ന്യാസിമാരെ സംഘംചേർന്ന് ആക്രമിക്കുകയായിരുന്നു. മോഷ്ടാക്കളെന്ന് കരുതിയാണ് ആൾക്കൂട്ടം ആക്രമിച്ചതെന്നും സംഭവത്തിന് പിന്നിൽ വർഗീയത ഇല്ലെന്നും മഹാരാഷ്ട്ര സർക്കാർ വ്യക്തമാക്കിയിരുന്നു.