കോഴിക്കോട്: ദേശീയ പാതയിൽ മലപ്പുറത്തിന് സമീപത്തുണ്ടായ വാഹനാപകടത്തിൽ പിക്കപ്പ് വാൻ ഡ്രൈവർ മരിച്ചു. കോഴിക്കോട് മാത്തോട്ടം അസീസിയ്യയിൽ പുതിയ പാലം പരേതനായ കുഞ്ഞിതീന്റെ മകൻ താഴത്തേരി അബ്ദുൾ അസീസ് (63) ആണ് ഇന്നലെ വൈകിട്ടുണ്ടായ അപകടത്തിൽ മരിച്ചത്.

വയനാട്ടിൽ നിന്ന് വാഴക്കുല കയറ്റി വരികയായിരുന്ന പിക്കപ്പ് വാനിൽ വയനാട് ഭാഗത്തേക്ക് പോകുകയായിരുന്ന ടിപ്പർ ലോറി ഇടിക്കുകയായിരുന്നു. അപകടം നടന്ന ഉടനെ അസീസിനെ കോഴിക്കോട് മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല.ഭാര്യ: മുല്ല വീട്ടിൽ ആയിശ. മക്കൾ: നജുമുദ്ദീൻ, ഫാത്തിമ നസറിയ്യ, റാഷിദ മറിയം. മരുമക്കൾ: റഫീഖ്, ഹാരിസ് അലി, ലുബ്ന ഇർഫാൻ