ബംഗളൂരു: പൊതുസ്ഥലങ്ങളിൽ മാസ്‌ക് ധരിച്ചില്ലെങ്കിൽ ബംഗളൂരുവി​ൽ 1000 രൂപ പിഴ നൽകണം. പൊതുസ്ഥലങ്ങളിൽ തുപ്പുന്നതിനും മൂത്രമൊഴിക്കുന്നതിനു മാലിന്യം നിക്ഷേപിക്കുന്നതിനും ഈ പിഴ ബാധകമാണ്. കൊവിഡ് വ്യാപനം തടയുന്നതിനുള്ള നടപടികളുടെ ഭാഗമാണി​ത്.

പൊതുസ്ഥലങ്ങളിലും അഞ്ചിൽ കൂടുതൽ ആളുകൾ ഒത്തുചേരുന്ന തൊഴിലിടങ്ങളിലും മാസ്‌ക് നിർബന്ധമാണ്. നിയമം ലംഘിച്ചാൽ ആദ്യതവണ 1000 രൂപയും നിയമലംഘനം തുടർന്നാൽ 2000 രൂപയും ഇൗടാക്കും. കഴി​ഞ്ഞ ജനുവരി 15 മുതൽ പൊതുസ്ഥലത്ത് മൂത്രമൊഴിക്കുന്നത് ശ്രദ്ധയിൽപ്പെട്ടാൽ 500 രൂപ പിഴ ഈടാക്കുമെന്ന് അധി​കൃതർ ഉത്തരവി​ട്ടി​രുന്നു. എന്നാൽ ഇത് വേണ്ടത്ര കാര്യക്ഷമമായി​രുന്നി​ല്ല..