ന്യൂയോർക്ക്: തന്റെ ശരീരം കൊവിഡ് 19 രോഗം തടയാനുള്ള പ്രാപ്തി നേടിയതായി അമേരിക്കൻ ഗായികയും നടിയുമായ മഡോണ. രോഗത്തെ തടയാൻ ശേഷിയുള്ള ആന്റിബോഡി തന്റെ ശരീരത്തിൽ ഉത്പാദിപ്പിക്കപ്പെടുന്നതായി പരിശോധനയിലൂടെ കണ്ടെത്തിയെന്നും മഡോണ ഇൻസ്റ്റാഗ്രാമിൽ പോസ്റ്റ് ചെയ്ത വീഡിയോയിലൂടെ അവകാശപ്പെടുന്നു. കഴിഞ്ഞ ദിവസം താൻ കൊവിഡ് ടെസ്റ്റ് നടത്തിയെന്നും മഡോണ പറയുന്നു.

താൻ കാറിൽ ചുറ്റി സഞ്ചരിക്കാൻ തീരുമാനിച്ചു. കാറിന്റെ വിൻഡോ തുറന്നിട്ടുകൊണ്ട് 'കൊവിഡ് 19' വായു താൻ ശ്വസിക്കും. 61കാരി ഗായിക വിശദമാക്കി. രോഗത്തെ പ്രതിരോധിക്കാൻ ശേഷിയുള്ള പദാർത്ഥങ്ങളുടെ സാന്നിദ്ധ്യം ശരീരത്തിലുണ്ടോ എന്ന് പരിശോധിക്കുന്ന സി.ഡി.സി റെസ്റ്റാണ് മഡോണയ്ക്ക് മേൽ നടത്തിയതെന്നാണ് വിവരം. എന്നാൽ ഈ ടെസ്റ്റിലൂടെ ഈ പദാർത്ഥങ്ങൾ ശരീരത്തിൽ കണ്ടെത്തിയാൽ അത് രോഗപ്രതിരോധ ശേഷിയെയാണോ സൂചിപ്പിക്കുന്നതെന്ന കാര്യത്തിൽ ഇനിയും വ്യക്തത കൈവന്നിട്ടില്ല.