ഏറ്റവും ലാഭകരമായ കൃഷികളിൽ ഒന്നാണ് പൈനാപ്പിൾ കൃഷി. സാധാരണ ഉഷ്ണമേഖലകളിലാണ് പൈനാപ്പിൾ വളരുന്നത്. കർണാടകയിലും ബീഹാറിലും മാത്രം കൃഷി ചെയ്തിരുന്ന പൈനാപ്പിൾ ഇപ്പോൾ കേരളത്തിലും കൃഷി ചെയ്യാനാകും.പൈനാപ്പിൾ സിറ്രി എന്ന് അറിയപ്പെടുന്നത് കേരളത്തിലെ വാഴക്കുളമാണ്. മൗറീഷ്യസ്,ക്യൂ, എം.ഡി -2, അമൃത, ക്യൂൻ തുടങ്ങിയവയാണ് കേരളത്തിൽ കൃഷി ചെയ്യുന്ന പ്രധാനപ്പെട്ട ഇനങ്ങൾ. സ്ഥലമാണ് കൃഷിയ്ക്ക് പ്രധാനം. സ്ഥലമുണ്ടെങ്കിൽ എന്ത് കൊണ്ടാണ് പൈനാപ്പിൾ കൃഷി ചെയ്യാൻ ശ്രമിക്കാത്തത്.

പൈനാപ്പിൾ കൃഷിയിൽ ശ്രദ്ധിക്കേണ്ടത് എന്തെല്ലാം :

• നീർവാഴ്ചയുള്ള മണ്ണായിരിക്കണം.
• കൃത്യമായ അകലം വേണം വാരങ്ങൾ തയ്യാറാക്കുമ്പോൾ.
• വെയിൽ വഭിക്കുന്ന സ്ഥലമായിരിക്കണം.
• ജൂണിലും ജൂലൈയിലും കൃഷി തുടങ്ങരുത്. ഏപ്രിൽ, മെയ് മാസത്തിൽ കൃഷി ആരംഭിക്കുന്നതാണ് നല്ലത്.
• ഒരു സെന്റ് സ്ഥലത്ത് 100 കിലോഗ്രാം എന്ന അളവിൽ ചാണകവും കമ്പോസ്റ്റും ചേ‌ർക്കണം. രണ്ട് മാസത്തിൽ ഒരിക്കൽ ഇത് ഇട്ട് കൊടുക്കണം. വളം നൽകിയാൽ നല്ല വിളവ് കിട്ടുന്ന ഫലമാണ്.
• മാതൃചെടിയുടെ ചുവട്ടിൽ നിന്ന് വളർന്ന് വരുന്ന വിത്തുതൈകളാണ് നടീൽ വസ്തു.
• 10 - 15 ദിവസം തണലത്ത് വെച്ച് തൈകൾ നടാൻ പാകമാക്കി എടുക്കണം.
• 10 സെന്റിമീറ്റർ ആഴത്തിൽ വിത്തുകൾ നടണം.
• പൈനാപ്പിൾ മൂപ്പെത്തുന്നതിന് മുമ്പ് ചാഞ്ഞ് പോകുന്നത് തടയാൻ ഇലകളിട്ട് മൂടുന്നത് നല്ലതാണ്.
• വിളഞ്ഞ് വരുന്ന സമയത്ത് കൂമ്പ് നുള്ളി കളഞ്ഞാൽ പൈനാപ്പിളിന്റെ വലിപ്പം വർദ്ധിക്കും.