വെറും 20 മിനിറ്റിൽ തയ്യാറാക്കാവുന്ന മധുര പലഹാരങ്ങളിൽ ഏറെ വ്യത്യസ്തമായ ഒന്നാണ് മാ ലഡ്ഡു അല്ലെങ്കിൽ പൊട്ടുകടല ലഡ്ഡു. ലോക്ക്ഡൗൺ കാലത്ത് പലതരത്തിലുള്ള പരീക്ഷണങ്ങൾ നടത്തുന്നവർക്ക് ഇതിലും ഒരു പരീക്ഷണം നടത്താവുന്നതാണ് അതും വെറും 20 മിനിറ്റിൽ. മാ ലഡ്ഡു എങ്ങനെ തയ്യാറാക്കാമെന്ന് നമുക്ക് നോക്കാം.

ആവശ്യമുള്ള സാധനങ്ങൾ

പൊട്ട് കടല - 1 കപ്പ്

പഞ്ചസാര - 1/2 കപ്പ്

നെയ്യ് - 3/4 കപ്പ്

കശുവണ്ടിപ്പരിപ്പ് - 50 ഗ്രാം

ഏലയ്ക്ക പൊടിച്ചത് ആവശ്യത്തിന്

തയ്യാറാക്കുന്ന വിധം

ആദ്യം പൊട്ട് കടല വറുത്ത് പൊടിക്കുക. പച്ചമണം മാറുന്നത് വരെ വറുക്കണം. കരിഞ്ഞുപോകാതെ നോക്കണം. അതിൽ പഞ്ചസാരയും ഏലയ്ക്കയും നന്നായി പൊടിച്ചത് ചേർത്ത് രണ്ട് മൂന്ന് തവണ അരിച്ച് എടുക്കുക. ഒരു ഉരുളിയിൽ നെയ്യ് ചൂടാക്കി അണ്ടിപ്പരിപ്പ് വറുക്കുക. തീ ഏറ്റവും കുറച്ചതിനു ശേഷം മിക്സ് ചെയ്ത് വെച്ചിരിക്കുന്ന പൊടി ഇട്ടു തീ അണയ്ക്കുക. കൈകൊണ്ട് കട്ട ഇല്ലാതെ ഇളം ചൂടോടെ കുഴച്ച് ചെറിയ ഉരുളകളാക്കി ഉരുട്ടി എടുക്കുക.