അടുത്തകാലത്തൊന്നും ഗാലറി തുറക്കാനാവില്ലെന്ന് ഇംഗ്ളീഷ് എഫ്.എ തലവൻ

ല​ണ്ട​ൻ: കോ​വി​ഡ്​ വ്യാ​പ​ന​ത്തെ തു​ട​ർ​ന്ന്​ നിറുത്തിവച്ചിരിക്കുന്ന യൂറോപ്പിലെ ഫുട്ബാൾ ലീഗുകൾ പുനരാരംഭിച്ചാലും സ​മീ​പ​കാ​ല​ത്തേ​ക്കൊ​ന്നും കാ​ണി​ക​ളെ ഗാലറികളിൽ കയറ്റാനാവില്ലെന്ന് ഇം​ഗ്ലീ​ഷ്​ ഫു​ട്​​ബാ​ൾ അ​സോ​സി​യേ​ഷ​ൻ ചെ​യ​ർ​മാ​ൻ ഗ്രെ​ഗ്​ ക്ലാ​ർ​ക്ക്​. ഇം​ഗ്ല​ണ്ടി​ലും ജ​ർ​മ​നി​യി​ലും ഇ​റ്റ​ലി​യി​ലും സ്പെയിനിലുമൊക്കെ ലീ​ഗ്​ സീ​സ​ണു​ക​ൾ പു​ന​രാ​രം​ഭി​ക്കാ​നു​ള്ള ഒ​രു​ക്ക​ത്തി​നി​ടെ​യാ​ണ്​ കാ​ണി​ക​ളു​ടെ തി​രി​ച്ചു​വ​ര​വ്​ സം​ബ​ന്ധി​ച്ച്​ എ​ഫ്.​എ ത​ല​വ​ന്റെ മു​ന്ന​റി​യി​പ്പ്. ഈ ​സീ​സ​ൺ മാ​ത്ര​മ​ല്ല, അ​ടു​ത്ത സീ​സ​ണും കാ​ണി​ക​ളി​ല്ലാ​തെ ക​ളി​ക്കേ​ണ്ടി​വ​രു​മെ​ന്ന മു​ന്ന​റി​യി​പ്പാ​ണ്​ ഗ്രെ​ഗ്​ ക്ലാ​ർ​ക്ക്​​ ന​ൽ​കു​ന്ന​ത്.

‘‘ അ​ന്ത​രീ​ക്ഷം തെ​ളി​യാ​ൻ എ​ത്ര​കാ​ലം വേ​ണ്ടി​വ​രു​മെ​ന്ന്​ അ​റി​യി​ല്ല. കൊ​വി​ഡി​നെ പ്ര​തി​രോ​ധി​ക്കാ​ൻ ​സാ​മൂ​ഹി​ക അ​ക​ലം നി​ർ​ണാ​യ​ക​മാ​ണ്. അതുകൊണ്ട് ഫു​ട്​​ബാ​ൾ സംസ്കാരത്തിൽ കാ​ര്യ​മാ​യ മാ​റ്റ​ങ്ങ​ൾ ആ​വ​ശ്യ​മാ​യി​വ​രും. ക​ളി​യു​ടെ ജീ​വ​നാ​ഡി​യാ​യ ആ​രാ​ധ​ക​രെ നീ​ണ്ട​കാ​ല​ത്തേ​ക്ക്​ ഗാ​ല​റി​യി​ൽ കാ​ണാൻ കഴിയണമെന്നില്ല’’ -ഫു​ട്​​ബാ​ൾ അ​സോ​സി​യേ​ഷ​ൻ ഗ​വേ​ണിംഗ് കൗ​ൺ​സി​ലി​ന്​ എ​ഴു​തി​യ ക​ത്തി​ൽ ക്ലാ​ർ​ക്ക്​​ വ്യ​ക്​​ത​മാ​ക്കി. നി​ല​വി​ലെ ബ​ജ​റ്റി​ൽ 7.5 കോ​ടി പൗ​ണ്ടി​ന്റെ കു​റ​വു​ണ്ടാ​വുമെന്നും അദ്ദേഹം സൂചിപ്പിക്കുന്നു.

അ​തേ​സ​മ​യം,ഇംഗ്ളീഷ് പ്രിമിയർ ലീഗിൽ ശേ​ഷി​ക്കു​ന്ന മ​ത്സ​ര​ങ്ങ​ൾ നി​ഷ്പ​ക്ഷ വേ​ദി​യി​ൽ ന​ട​ത്താ​നു​ള്ള നീ​ക്ക​ത്തി​നെ​തി​രെ ക്ല​ബു​ക​ൾ രം​ഗ​ത്തെ​ത്തി. മു​ൻ​നി​ര ക്ല​ബു​ക​ളു​ടെ നി​ർ​ദേ​ശം ചെ​റു​ക്ല​ബു​ക​ൾ​ക്ക്​ തി​രി​ച്ച​ടി​യാ​വു​മെ​ന്നാ​ണ്​ ബ്രൈ​റ്റ​ണി​ന്റെ അ​ഭി​പ്രാ​യം. ഏ​ഴോ​ളം ക്ല​ബു​ക​ൾ നി​ഷ്​​പ​ക്ഷ വേ​ദി​യെ​ന്ന നി​ർ​ദേ​ശ​ത്തെ എ​തി​ർ​ത്ത​താ​യാണ്​ സൂ​ച​ന.