ഫുട്ബാൾ താരം ഹി​യാ​നി​ക്​ കാം​ബെയുടെ മരണവാർത്ത ഇൻഷ്വറൻസ് തട്ടിപ്പിനെന്ന് സംശയം

ബെ​ർ​ലി​ൻ: നാ​ലു​വ​ർ​ഷം മു​മ്പ്​ വാ​ഹ​നാ​പ​ക​ട​ത്തി​ൽ ‘മ​രി​ച്ച’ ഫു​ട്​​ബാ​ൾ താ​രം ജീ​വ​നോ​ടെ തിരിച്ചെത്തിയതോടെ അദ്ദേഹത്തിന്റെ പേരിലുള്ള ഇൻഷ്വറൻസ് തുക കൈപ്പറ്റിയ മു​ൻഭാര്യ സംശയ നിഴലിൽ . ജ​ർ​മ്മ​നി​യി​ലെ ബു​ണ്ട​സ്​ ലി​ഗ മു​ൻ​നി​ര ക്ല​ബ്​ ഷാ​ൽ​കെ​യു​ടെ മു​ൻ യൂ​ത്ത് ടീം ​അം​ഗ​വും, എ​ട്ടാം ഡി​വി​ഷ​ൻ ക്ല​ബ്​ വി.​എ​ഫ്.​ബി ഹൾസ്​ താ​ര​വു​മാ​യി​രു​ന്ന ഹി​യാ​നി​ക്​ കാം​ബ​യാ​ണ്​ വാഹനാപകടത്തിൽ ‘മരിച്ച്’ നാ​ലു​വ​ർ​ഷ​ത്തി​നു ശേ​ഷം ജീ​വ​നോ​ടെ പ്ര​ത്യ​ക്ഷ​പ്പെ​ട്ട​ത്. ഇ​ൻഷ്വ​റ​ൻ​സ്​ തു​ക ത​ട്ടി​യെ​ടു​ക്കാ​ൻ കാം​ബ​യു​ടെ മു​ൻ ​ഭാ​ര്യ മെ​ന​ഞ്ഞ ക​ഥ​യാ​ണ്​ വാ​ഹ​നാ​പ​ക​ട മ​ര​ണ​മെ​ന്നാ​ണ്​ പു​റ​ത്തു​വ​രു​ന്ന വാ​ർ​ത്ത​ക​ൾ.

2016 ജ​നു​വ​രി ഒ​മ്പ​തി​നാ​ണ് മാ​തൃ​രാ​ജ്യ​മാ​യ കോംഗോയി​ലേ​ക്ക്​ കൂ​ട്ടു​കാ​ർ​ക്കൊ​പ്പം യാ​ത്ര​പോ​യ കാം​ബ വാ​ഹ​നാ​പ​ക​ട​ത്തി​ൽ മ​രി​ച്ചു​വെ​ന്ന വാർത്ത ജർമ്മനിയിൽ എത്തിയത്. കോംഗോയി​ലെ ആ​ഭ്യ​ന്ത​ര സം​ഘ​ർ​ഷ​ത്തെ​ത്തു​ട​ർ​ന്ന്​ 1980ക​ളി​ൽ ജ​ർ​മ്മനി​യി​ലേ​ക്ക്​ കു​ടി​യേ​റി​യ​താ​യി​രു​ന്നു കാം​ബ​യു​ടെ കു​ടും​ബം. 2005ൽ ​അ​വ​രെ കോംഗോ​യി​ലേ​ക്ക്​ നാ​ടു​ക​ട​ത്തി​യെ​ങ്കി​ലും 19കാ​ര​നാ​യ കാം​ബ​യെ ഷാൽ​കെ ക്ല​ബു​മാ​യു​ള്ള ക​രാ​ർ പ​രി​ഗ​ണി​ച്ച്​ ജ​ർ​മ്മ​നി​യി​ൽ തു​ട​രാ​ൻ അ​നു​വ​ദി​ച്ചു. അ​വി​ടെ, മാ​നു​വ​ൽ നൂ​യ​ർ ഉ​ൾ​പ്പെ​ടെ​യു​ള്ള താ​ര​ങ്ങ​ൾ​ക്കൊ​പ്പം ക​ളി​ച്ച കാം​ബെ​ക്ക്​ ക്ല​ബ്​ സീ​നി​യ​ർ ടീ​മി​ലേ​ക്ക്​ ക​രാ​ർ ഓ​ഫ​ർ ചെ​യ്​​തെ​ങ്കി​ലും ധാ​ര​ണ​യാ​യി​ല്ല. പി​ന്നീ​ട്​ ഹ​ൾ​സി​നാ​യി ക​ളി​ച്ച താ​രം വൈ​കാ​തെ നാ​ട്ടി​ലേ​ക്ക്​ മ​ട​ങ്ങി. ഇ​തി​നി​ടെ​യാ​ണ്​ 2016ൽ ​മ​ര​ണ​വാ​ർ​ത്ത​യെ​ത്തു​ന്ന​ത്.

പി​ന്നാ​ലെ, കാം​ബ​യു​ടെ മ​ര​ണ സ​ർ​ട്ടി​ഫി​ക്ക​റ്റും സം​സ്​​കാ​ര വി​വ​ര​ങ്ങ​ളും സ​മ​ർ​പ്പി​ച്ച്​ ആ​ദ്യ ഭാ​ര്യ ല​ക്ഷ​ക്ക​ണ​ക്കി​ന്​ ഡോ​ള​ർ ഇ​ൻഷ്വ​റ​ൻ​സ്​ തു​ക ജർമ്മനിയിൽ നിന്ന് സ്വ​ന്ത​മാ​ക്കി. എന്നാൽ കാംബെ ജീവനോടെയുണ്ടെന്ന വാർത്തകൾ ഇപ്പോഴാണ് പുറത്തുവരുന്നത്. അന്വേഷണത്തിൽ രണ്ട് വർഷത്തോളമായി ഇദ്ദേഹം ജർമ്മനിയിലെ ​ഗെ​ൽ​സ​ൻ കി​ർ​ച​നി​ൽ കെ​മി​ക്ക​ൽ ടെ​ക്​​നീ​ഷ്യ​നാ​യി ജോ​ലി ചെ​യ്യു​ന്നതായും കണ്ടെത്തി. താൻ മരിച്ചതായ വാർത്ത പ്രചരിച്ചതായി അറിഞ്ഞിരുന്നില്ലെന്നാണ് കാംബെ പറയുന്നത്. കോംഗോയി​ൽ ഒ​രു യാ​ത്ര​ക്കി​ടെ കൂ​ട്ടു​കാ​രി​ൽ നി​ന്നും ഒ​റ്റ​പ്പെ​ട്ട്​ രേ​ഖ​ക​ളും പ​ണ​വും മൊ​ബൈ​ൽ ന​മ്പ​റു​ക​ളും ന​ഷ്​​ട​പ്പെ​ട്ട്​ വ​ഴി​തെ​റ്റി​പ്പോ​യി. ആ​രു​മാ​യും ബ​ന്ധ​പ്പെ​ടാ​ൻ ക​ഴി​യാ​തെ നീ​ണ്ട​കാ​ലം അ​ല​ഞ്ഞു​തി​രി​ഞ്ഞു.

പി​ന്നീ​ട്​ കോംഗോ​യി​ലെ ജ​ർ​മ്മൻ എം​ബ​സി​യെ സ​മീ​പി​ച്ചാ​ണ്​ 2018 ജ​ർ​മ​നി​യി​ൽ തിരിച്ചെത്തിയത്. അതേസമയം കാംബെയുടെ മുൻഭാര്യ കോംഗോയിൽ നിന്ന് വ്യാജ മരണസർട്ടിഫിക്കറ്റ് ഹാജരാക്കിയാണ് ഇൻഷ്വറൻസ് തുക തട്ടിയതെന്ന് കരുതുന്നു. ഇതിൽ കാംബെയ്ക്ക് എന്തെങ്കിലും പങ്കുണ്ടോ എന്നും അന്വേഷിക്കുന്നുണ്ട്.