മുംബയ് : മഹാരാഷ്ട്രയിൽ ഇന്ന് മാത്രം കൊവിഡ് സ്ഥിരീകരിച്ചത് 1,233 പേർക്ക്. രോഗികളുടെ എണ്ണത്തിൽ ഒരുദിവസത്തെ ഏറ്റവും വലിയ വർദ്ധനയാണ് ഇന്ന് രേഖപ്പെടുത്തിയത്. വൈറസ് ബാധയെ തുടർന്ന് ഇന്ന് 34 പേരാണ് മരിച്ചത്.

ഇതുവരെ 16,758 പേർക്കാണ് മഹാരാഷ്ട്രയിൽ രോഗം സ്ഥിരീകരിച്ചത്. മുംബയിൽ മാത്രം രോഗികളുടെ എണ്ണം പതിനായിരം കടന്നു. ഇതോടെ സംസ്ഥാനത്ത് ആകെ മരിച്ചവരുടെ എണ്ണം 651 ആയി.

ഗുജറത്തിൽ ഇന്ന് 380 പേർക്ക് വൈറസ് ബാധ സ്ഥിരീകരിച്ചു. ഇന്ന് 28 കൊവിഡ് ബാധിതർ മരിച്ചു. ഇതോടെ സംസ്ഥാനത്ത് മരിച്ചവരുടെ എണ്ണം 396 ആയി. രോഗികൾ 6,625 ആയി.

അതേസമയം രാജ്യത്ത് കൊവിഡ് രോഗികളുടെ എണ്ണം 52000 പിന്നിട്ടു. അവസാന കണക്കുകൾ അനുസരിച്ച് 52339 പേർക്കാണ് കൊവിഡ് സ്ഥിരീകരിച്ചത്. 14911 പേർ രോഗമുക്തരായി. 1768 പേരാണ് കൊവിഡിനെത്തുടർന്ന് ഇതുവരെ മരിച്ചത്.