വാഷിംഗ്​ടൺ: കൊവിഡ്​ 19 വൈറസ്​ ബാധ പേൾഹാർബർ, വേൾഡ്​ട്രേഡ്​ സെന്റർ ആക്രമണ​ങ്ങളേക്കാൾ രൂക്ഷമായ സാഹചര്യമാവും അമേരിക്കയിൽ സൃഷ്​ടിക്കുകയെന്ന്​ യു.എസ്​ പ്രസിഡന്റ് ഡോണൾഡ്​ പ്രസിഡന്റ്​. വൈറ്റ്​ ഹൗസിൽ മാദ്ധ്യമ പ്രവർത്തകരോട്​ സംസാരിക്കുകയായിരുന്നു അദ്ദേഹം. വാർത്താ സമ്മേളനത്തിൽ ചൈനക്കെതിരെ വീണ്ടും ട്രംപ്​ വിമർശനമുന്നയിക്കുകയും ചെയ്തു.

ഉറവിടത്തിൽ തന്നെ വൈറസിനെ നശിപ്പിച്ചിരുന്നുവെങ്കിൽ ഇത്രയും മോശം സാഹചര്യം ഉണ്ടാവില്ലായിരുന്നു. എന്നാൽ, ഉറവിടത്തിൽ തന്നെ വൈറസ്​ ബാധ തടയുന്നതിൽ ചൈന പരാജയപ്പെട്ടുവെന്ന്​ ​ട്രംപ്​ കുറ്റപ്പെടുത്തി.

1941ലെ ഹവായിലെ യു.എസ്​ അധീനതയിലുള്ള പേൾഹാർബർ ജപ്പാൻ ആക്രമിച്ചതാണ്​ യു.എസിനെ രണ്ടാം ലോകമഹായുദ്ധത്തിലേക്ക്​ പങ്കാളികളാക്കിയത്​. 2001 സെപ്​തംബർ 11 ന്യൂയോർക്കിലെ വേൾഡ്​ ട്രേഡ്​ സെന്റർ ആക്രമണത്തിൽ 3000 പേർ മരിച്ചിരുന്നു.