കോട്ടയം : കൊവിഡ് വ്യാപനത്തെത്തുടർന്ന് മാറ്റിവച്ച എം.ജി സർവകലാശാല യു.ജി പരീക്ഷകൾ മേയ് 26 ന് പുനരാരംഭിക്കുമെന്ന് പരീക്ഷാ കൺട്രോളർ അറിയിച്ചു. ആറാം സെമസ്റ്റർ സി.ബി.സി.എസ് (റഗുലർ, പ്രൈവറ്റ്), സി.ബി.സി.എസ്.എസ് (സപ്ലിമെന്ററി) ബിരുദ പരീക്ഷകൾ മേയ് 26 ന് പുനരാരംഭിക്കും. നാലാം സെമസ്റ്റർ യു.ജി പരീക്ഷകൾ മേയ് 27നും അഞ്ചാം സെമസ്റ്റർ സി.ബി.സി.എസ് (പ്രൈവറ്റ്) പരീക്ഷകൾ ജൂൺ നാലിനും ആരംഭിക്കും. നാലാം സെമസ്റ്റർ ബിരുദാനന്തര ബിരുദ പരീക്ഷകൾ ജൂൺ മൂന്നിന് ആരംഭിക്കും. ആറാം സെമസ്റ്റർ യു.ജി പരീക്ഷകൾ 26, 28, 30, ജൂൺ ഒന്ന് തീയതികളിലും നാലാം സെമസ്റ്റർ പരീക്ഷകൾ 27, 29, ജൂൺ രണ്ട്, നാല് തീയതികളിലുമാണ് നടക്കുക. അഞ്ചാം സെമസ്റ്റർ പ്രൈവറ്റ് പരീക്ഷകൾ ജൂൺ നാല്, അഞ്ച്, ആറ്, എട്ട് തീയതികളിലും നാലാം സെമസ്റ്റർ പി.ജി പരീക്ഷകൾ ജൂൺ മൂന്ന്, നാല്, അഞ്ച്, ആറ് തീയതികളിലും നടക്കും. നാല്, ആറ് സെമസ്റ്ററുകളുടെ യു.ജി മൂല്യനിർണയ ക്യാമ്പുകൾ ഹോംവാല്യവേഷൻ രീതിയിൽ ജൂൺ എട്ടിന് ആരംഭിക്കും. കൊവിഡ് 19 പ്രതിരോധ നടപടികളുടെ ഭാഗമായി സർക്കാർ നിർദ്ദേശങ്ങൾ കർശനമായി പാലിച്ചാണ് പരീക്ഷയും മൂല്യനിർണയവും നടത്തുക.