ചണ്ഡിഗഢ്: ഇന്ത്യൻ വ്യോമസേനയുടെ യുദ്ധവിമാനം പഞ്ചാബിൽ തകർന്നു വീണു. പഞ്ചാബിലെ ഹോഷിയാർപുർ ജില്ലയ്ക്ക് സമീപമാണ് മിഗ് -29 യുദ്ധവിമാനം തകർന്നുവീണത്. പൈലറ്റ് സുരക്ഷിതമായി സ്വയം പുറത്തേക്ക് കടന്ന് രക്ഷപ്പെട്ടു. ജലന്ധറിനടുത്തുള്ള വ്യോമസേനാ താവളത്തിലെ പരിശീലന ദൗത്യത്തിനിടെയാണ് മിഗ് -29 വിമാനം അപകടത്തിൽപ്പെട്ടത്. "വിമാനത്തിന് സാങ്കേതിക പ്രശ്‌നമുണ്ടായി, വിമാനം നിയന്ത്രിക്കാൻ കഴിയാത്തതിനാൽ പൈലറ്റ് സുരക്ഷിതമായി സ്വയം ഇജക്ട് ചെയ്തു."

വ്യോമസേന പുറത്തിറക്കിയ പ്രസ്താവനയിൽ പറയുന്നു. സംഭവത്തിൽ അന്വേഷണത്തിന് ഉത്തരവിട്ടു.