മ്യൂണിക്​: ജർമനിയുടെ ലോകകപ്പ്​ ഹീറോ മിറോസ്ലാവ്​ ക്ലോസെ തന്റെ പഴയ ക്ളബ് ബയേൺ മ്യൂണിക്കിന്റെ സഹപരിശീലകനായി. ഹാൻസി ഫ്ലിക്കാണ് ബയേണിന്റെ മുഖ്യപരിശീലകൻ.2014ൽ ​ക്ലോസെ ജർമൻ ദേശീയ ടകമിൽ ​ കളിക്കുമ്പോൾ അസിസ്​റ്റൻറ്​ കോച്ചായിരുന്ന ഫ്ലിക്ക്​. ജ​ർ​മ​ൻ ഒ​ന്നാം ഡി​വി​ഷ​ൻ ഫു​ട്​​ബാൾ ലീഗായ ബു​ണ്ട​സ്​​ ലി​ഗ​യി​ൽ അടുത്ത ശനിയാഴ്ച മുതൽ ​വീ​ണ്ടും പ​ന്തു​രു​ളാനിരിക്കേയാണ്​ മുൻ ക്ലബിലേക്കുള്ള ക്ലോസെയുടെ മടങ്ങിവരവ്​. 2021 ജൂൺ 30 വരെയാണ്​ നിയമനം. കഴിഞ്ഞ രണ്ട്​ സീസണിലായി ബയേണിൻെറ അണ്ടർ 17 ടീമിനോടൊപ്പമാണ്​ മുൻതാരം. പുരുഷ ലോകകപ്പിൽ ഏറ്റവും കൂടുതൽ ഗോൾ നേടിയ താരമെന്ന റെക്കോഡിനുടമയാണ്​ 41കാരനായ ​ക്ലോസെ. നാലുലോകകപ്പുകളിലായി 16 ഗോൾ സ്​കോർ ചെയ്​ത ​ക്ലോസെ 2014ൽ ജർമനിക്കൊപ്പം ലോകകിരീടമുയർത്തി. ജർമനിക്കായി 137 അന്താരാഷ്​ട്ര മത്സരങ്ങൾ കളിച്ച ക്ലോസെ 71ഗോളുകൾ നേടി. ബയേൺ കുപ്പായത്തിൽ 150 മത്സരം കളിച്ച താരം 53 തവണ ലക്ഷ്യം കണ്ടു. 2011ൽ ലാസിയോയിലേക്ക്​ കൂടുമാറി അഞ്ചുവർഷത്തിന്​ ശേഷം ബൂട്ടഴിച്ചു. ‘വളരെ സന്തോഷമുണ്ട്​. ജർമൻ ദേശീയ ടീമിൽ കളിക്കുന്ന കാലം തൊട്ട്​ ഹാൻസി ഫ്ലിക്കിനെ അറിയാം. വ്യക്​തിപരമായും ​അല്ലാതെയും ഞങ്ങൾ പരസ്​പര വിശ്വാസം കാത്തുസൂക്ഷിക്കുന്നുണ്ട്​. ഇത്​ എൻെറ കോച്ചിംഗ് കരിയറിലെ അടുത്ത കാൽവെപ്പാണ്​ ’ പരിശീലകനായി നിയമിതനായ ശേഷം ക്ലോസെ പ്രതികരിച്ചു.