തൃശൂർ: കൊവിഡ് ബാധിച്ച് മതിലകം പുതിയകാവ് സ്വദേശി ഷാർജയിൽ മരിച്ചു. പുതിയകാവ് പഴുന്തറ തേപറമ്പിൽ പരേതനായ അമ്മുഞ്ഞിയുടെയും കൈയ്യയുടെയും മകൻ അബ്ദുൾ റസാഖ് (ഷുക്കൂർ -49) ആണ് മരിച്ചത്.

ഷാർജയിൽ കൺസ്ട്രക്ഷൻ കമ്പനിയിൽ ഡ്രൈവറായിരുന്നു അബ്ദുൾ റസാഖ്. പ്രമേഹ ബാധിതനായിരുന്നു. ശരീര വേദന അനുഭവപ്പെട്ടതിനെത്തുടർന്ന് നടത്തിയ രക്തപരിശോധനയിലാണ് കൊവിഡ് സ്ഥിരീകരിച്ചത്.ചികിത്സയിലിരിക്കെ രാത്രി 11.30 മണിയോടെയായിരുന്നു മരണം. ഖബറടക്കം കൊവിഡ് പ്രോട്ടോക്കോൾ അനുസരിച്ച് ഗൾഫിൽ നടക്കും.