സൗന്ദര്യ സംരക്ഷണത്തിനു വേണ്ടി പല പൊടിക്കെെകളും പ്രയോഗിക്കുന്നവരാണ് നാമെല്ലാവരും. ചിലർ സ്വാഭാവിക വഴികളെ ആശ്രയിക്കും. ചിലരാകട്ടെ, കൃത്രിമ വഴികളേയും. താൽക്കാലികവും വേഗത്തിലും പ്രയോജനം ചിലപ്പോൾ കൃത്രിമ വഴികൾ നൽകുമെങ്കിലും പാർശ്വ ഫലങ്ങളില്ലാതെ നീണ്ടു നിൽക്കുന്ന ഫലം നൽകുന്നത് സ്വാഭാവിക വഴികൾ തന്നെയാകും.
സൗന്ദര്യമെന്നത് പല ഘടകങ്ങളെ ആശ്രയിച്ചിരിയ്ക്കുന്നു. ഇതിൽ നല്ല ചർമം, പാടുകളും കുത്തുകളും കുരുവുമൊന്നുമില്ലാത്ത ചുളിവില്ലാത്ത ചർമം, നിറം, മൃദുത്വം എന്നിവയെല്ലാം പെടുന്നു. മുഖത്തെ ചുളിവുകൾ പലപ്പോഴും സൗന്ദര്യത്തിന് തടസമായി നിൽക്കുന്ന ഒന്നാണ്. വരണ്ട ചർമം, വെള്ളം കുടിയ്ക്കുന്നതിലെ കുറവ്, മേക്കപ്പ്, സൂര്യപ്രകാശം, സ്‌ട്രെസ് തുടങ്ങിയവയെല്ലാം തന്നെ മുഖത്തു ചുളിവുകൾ ഉണ്ടാകാൻ കാരണമാകുന്നു. ചർമത്തിന്റെ നിറത്തെയും ഇത് ബാധിക്കുന്നു. ചുളിവുകൾ നീക്കി മുഖത്തിന് നിറവും ചെറുപ്പവുമെല്ലാം നൽകാനുള്ള ഒരു പ്രകൃതി ദത്ത വഴിയെക്കുറിച്ചറിയൂ. വളരെ എളുപ്പത്തിൽ നമുക്കു തന്നെ ചെയ്യാവുന്ന ഒന്നാണിത്.
കല്ലുപ്പ്, വെളിച്ചെണ്ണ, നാരങ്ങ എന്നിവയാണ് ഇതിനായി വേണ്ടത്. ഉപ്പ് നല്ലൊരു ശുദ്ധീകരണ വസ്തുവാണ്. മുഖ കോശങ്ങളിലെ അഴുക്കുകൾ നീക്കി മുഖത്തിന് ക്ലെൻസിംഗ് ഇഫക്ട് നൽകുന്ന ഒന്നാണിത്. കല്ലുപ്പാണ് ഇതിൽ ഉപയോഗിയ്‌ക്കേണ്ടത്. നല്ല ശുദ്ധമായ കല്ലുപ്പ്. സ്വാഭാവിക സൗന്ദര്യ സംരക്ഷണ വഴികളിൽ പ്രധാനപ്പെട്ട ഒന്നാണ് വെളിച്ചെണ്ണ. ഇതിലെ ആരോഗ്യകരമായ കൊഴുപ്പുകൾ മുഖത്തിന് ഈർപ്പം നൽകുന്നു. മുഖത്തിന് നിറം നല്‍കുന്നു.മുഖത്തിന് നിറവും ചെറുപ്പവുമെല്ലാം നൽകുന്ന ഒന്നാണ് വെളിച്ചെണ്ണ.
ഇതിൽ ഉപയോഗിയ്ക്കുന്ന അടുത്ത ചേരുവ നാരങ്ങ അല്ലെങ്കിൽ ഓറഞ്ചാണ്. ഇതിന്റെ തൊലിയാണ് ഉപയോഗിയ്‌ക്കേണ്ടത്. ഇതിലെ തൊലി ഗ്രേറ്റ് ചെയ്ത്, അതായത് ചിരവിയെടുക്കാം. പുറംതൊലിയാണ് എടുക്കേണ്ടത്. ഇതിലെ ഉപ്പ് ബാക്ടീരിയ പോലുള്ളവയ്‌ക്കെതിരെ പ്രവർത്തിയ്ക്കുന്നു. മുഖക്കുരു പ്രശ്‌നങ്ങൾക്കും ഇതേറെ ഉത്തമമാണ്. നാരങ്ങയിലെ സിട്രിക് ആസിഡ്, വൈറ്റമിൻ സി എന്നിവ ചർമം വൃത്തിയാക്കാനും ചർമത്തിന് നിറം നൽകാനും ഏറെ ഉത്തമമാണ്. സൗന്ദര്യ സംരക്ഷണ വഴികളിൽ പ്രധാനപ്പെട്ട ഒന്നാണ് ഇത്. മുഖ കോശത്തിലെ ടോക്‌സിനുകൾ നീക്കി മുഖചർമത്തിന് തിളക്കവും മൃദുത്വവും ചെറുപ്പവും നല്‍കുന്ന ഒന്നാണ് ചെറുനാരങ്ങ.
കല്ലുപ്പ് പൊടിയ്ക്കുക. വല്ലാതെ പൊടിയരുത്. തരികളായി സ്‌ക്രബ് ചെയ്യാൻ പാകത്തിന് പൊടിയ്ക്കുക. പഞ്ചസാരത്തരികൾ പോലെ എന്നു പറയാം. ഒരു ടേബിൾ സ്പൂൺ വെളിച്ചെണ്ണയിൽ ഇതു കലർത്തുക. ഇതിൽ നാരങ്ങാത്തോട് ചിരകിയതും ഇടുക. ഇതു സ്‌ക്രബ് ചെയ്യാൻ പാകത്തിന് നല്ലൊരു മിശ്രിതമാക്കണം. മുഖം നല്ല പോലെ കഴുകി വൃത്തിയാക്കി ഈ മിശ്രിതം വിരൽത്തുമ്പുകളിലെടുത്ത് മുഖത്തു നല്ല പോലെ സ്‌ക്രബ് ചെയ്യുക. മൃദുവായി അധികം ബലം കൊടുക്കാതെ വേണം, സ്‌ക്രബ് ചെയ്യുവാൻ. ഇങ്ങനെ സ്‌ക്രബ് ചെയ്ത ശേഷം ഇത് മുഖത്തു തന്നെ അല്‍പ നേരം വയ്ക്കുക. പിന്നീട് ഇളം ചൂടുള്ള വെളളം ഉപയോഗിച്ചു കഴുകാം. ആഴ്ചയില്‍ ഒന്നു രണ്ടു തവണ ചെയ്യുക. കുറച്ചു നാൾ അടുപ്പിച്ചു ചെയ്താൽ ഗുണം ലഭിയ്ക്കും മുഖത്തെ ചുളിവുകൾ നീക്കാനും ബ്ലാക് ഹെഡ്‌സ് പോലുള്ള പ്രശ്‌നങ്ങൾക്കും ഇത് ഉത്തമമായ ഫേസ് മാസ്‌കാണ്.