ന്യൂ​ഡ​ൽ​ഹി: ഡൽഹി നിസാമുദീനിൽ ത​ബ്‌​ലീ​ഗ് ജ​മാ​അ​ത്ത് സ​മ്മേ​ള​നം ന​ട​ന്നി​ല്ലാ​യി​രു​ന്നെ​ങ്കി​ൽ രാജ്യത്ത് മൂ​ന്നാം ലോ​ക്ക്ഡൗ​ൺ ആ​വ​ശ്യ​മാ​യി വ​രി​ല്ലാ​യി​രു​ന്നുവെ​ന്ന് കേ​ന്ദ്ര​മ​ന്ത്രി മു​ഖ്താ​ർ അ​ബ്ബാ​സ് ന​ഖ്‌​വി. ത​ബ്‌​ലീ​ഗ് ജ​മാ​അ​ത്ത് പ്ര​വ​ർ​ത്ത​ക​രാ​ണ് രാ​ജ്യ​ത്തി​ന്‍റെ എ​ല്ലാ ഭാ​ഗ​ത്തും കോ​വി​ഡ് പ​ര​ത്തി​യ​തെന്നും അദ്ദേഹം പ്രസ്താവിച്ചു. എന്നാൽ അ​വ​രു​ടെ ശ്ര​ദ്ധ​ക്കു​റ​വി​ന് എ​ല്ലാ മു​സ്‌​ലിം​ക​ളെ​യും ശി​ക്ഷി​ക്ക​രു​തെ​ന്നും കേന്ദ്രമന്ത്രി ചൂണ്ടിക്കാട്ടിയിട്ടുണ്ട്.

ത​ബ്‌​ലീ​ഗ് പ്ര​വ​ർ​ത്ത​ക​രു​ടെ അ​ശ്ര​ദ്ധ ഉ​ണ്ടാ​യി​രു​ന്നി​ല്ലാ​യി​രു​ന്നെ​ങ്കി​ൽ മൂ​ന്നാം ലോ​ക്ക്ഡൗ​ൺ ആ​വ​ശ്യ​മാ​യി വ​രു​മാ​യി​രു​ന്നി​ല്ല. ഒ​രു സം​ഘ​ട​ന​യു​ടെ തെ​റ്റ് മൂ​ലം രാ​ജ്യ​മാ​കെ രോ​ഗം പ​ട​രി​ല്ലാ​യി​രു​ന്നെ​ന്നും ന​ഖ്‌​വി പറയുന്നു. നി​സാ​മു​ദ്ദീ​ൻ സ​മ്മേ​ള​നം ഉ​പ​യോ​ഗി​ച്ച് രാ​ജ്യ​ത്ത് ഇ​സ്‌​ലാം വി​രു​ദ്ധ​ത പ​ട​ർ​ത്താ​ൻ ശ്ര​മം ന​ട​ന്നെ​ന്ന ആ​രോ​പ​ണ​ത്തേ​യും ന​ഖ്‌​വി നി​ഷേ​ധിക്കുകയാണ് ഉണ്ടായത്.

ഇത്തരത്തിലുള്ള ​ആ​രോ​പ​ണം വ​സ്തു​ത​ക​ളെ അ​ടി​സ്ഥാ​ന​മാ​ക്കി​യു​ള്ള​തല്ലെന്നും രാ​ജ്യ​ത്തി​ന്‍റെ പ്ര​തി​ച്ഛാ​യ​യെ അ​ന്താ​രാ​ഷ്ട്ര ത​ല​ത്തി​ൽ അ​പ​കീ​ർ​ത്തി​പ്പെ​ടു​ത്താ​നു​ള്ള ശ്ര​മ​മാ​ണിതെന്നും കേന്ദ്രമന്ത്രി പറഞ്ഞു. തബ്‌ലീഗ് സമ്മേളനവുമായി ബന്ധപ്പെട്ട് മുസ്ലിം സമുദായത്തിൽ പെട്ടവർക്കെതിരെ രാജ്യത്താകമാനം, സോഷ്യൽ മീഡിയ വഴിയും മറ്റും വ്യാജ സന്ദേശങ്ങളും ചിത്രങ്ങളും പ്രചരിച്ചിരുന്നു.