മുംബയ്: ലോക്ക് ​ഡൗൺ ലംഘിച്ച് കാറിൽ യാത്രചെയ്തതിന് മോഡലും ബോളിവുഡ് താരവുമായ പൂനം പാണ്ഡെ അറസ്​റ്റിൽ. മുംബയ് മറൈൻ ഡ്രൈവ് പൊലീസാണ് അറസ്​റ്റ്​ ചെയ്​തത്​​. സുഹൃത്തിനൊപ്പം കാറിൽ കറങ്ങുകയായിരുന്നു പൂനമെന്ന്​ പൊലീസ്​ അറിയിച്ചു. പുറത്തിറങ്ങാൻ കൃത്യമായ കാരണവും പൂനത്തിന് ഉണ്ടായിരുന്നില്ലെന്ന് അധികൃതർ പറയുന്നു.

പൂനത്തിന്റെ സുഹൃത്തും സംവിധായകനുമായ സാം അഹമ്മദാണ്​ കാറിലുണ്ടായിരുന്നത്. ഇരുവരും സഞ്ചരിച്ച ബി.എം.ഡബ്ല്യു കാറും ​പൊലീസ്​ പിടിച്ചെടുത്തിട്ടുണ്ട്​. ഇരുവർക്കുമെതിരെ ഐ.പി.സി സെക്ഷൻ 188, 269 തുടങ്ങിയ വകുപ്പുകൾക്കൊപ്പം ദേശീയ ദുരന്തനിവാരണ നിയമത്തിലെ വകുപ്പുകളും ചുമത്തിയാണ് കേസെടുത്തിട്ടുള്ളത്.