ജൂൺ ഒന്നുമുതൽ പ്രിമിയർ ലീഗ് പുനരാരംഭിക്കാമെന്ന് സർക്കാർ

രോഗവ്യാപനം വർദ്ധിക്കുമോ എന്ന ആശങ്കയിൽ കളിക്കാർ

ലണ്ടൻ: കൊവിഡ് കാരണം രണ്ടുമാസത്തോളമായി നിറുത്തിവച്ചിരിക്കുന്ന ഇം​ഗ്ലീ​ഷ്​ പ്രീ​മി​യ​ർ ലീ​ഗ്​ ഫുട്ബാൾ സീ​സ​ൺ ജൂൺ ഒന്നിന് പു​ന​രാ​രം​ഭി​ക്കാ​ൻ സർക്കാർ അനുമതി നൽകിയെങ്കിലും രാജ്യത്ത് രോഗത്തിന്റെ വിളയാട്ടം ശക്തമായിത്തന്നെ തുടരുന്നതിനാൽ ഇത് എത്രത്തോളം സുരക്ഷിതമാകും എന്ന കാര്യത്തിൽ കളിക്കാരുടെ ആശങ്ക മാറുന്നില്ല.

ലോ​ക്ക് ഡൗ​ണി​ൽ ജൂ​ൺ ഒ​ന്ന്​ മു​ത​ൽ ഇ​ള​വു​ക​ൾ പ്ര​ഖ്യാ​പി​ച്ചതിനൊപ്പമാണ് സ​ർ​ക്കാ​ർ ഫു​ട്​​ബാ​ൾ ഉ​ൾ​പ്പെ​ടെ​യു​ള്ള കാ​യി​ക മ​ത്സ​ര​ങ്ങ​ൾ​ക്കും അ​നു​മ​തി ന​ൽ​കയിരിക്കുന്നത്. ജൂ​ൺ എ​ട്ടി​ന്​ ക​ളി തു​ട​ങ്ങാ​മെ​ന്ന ലീ​ഗ്​ സം​ഘാ​ട​ക​രു​ടെ ക​ണ​ക്കു​കൂ​ട്ട​ലു​ക​ൾ​ക്കി​ടെ​യാ​ണ്​ സ​ർ​ക്കാ​റിന്റെ അ​നു​മ​തി​യെ​ത്തു​ന്ന​ത്. കാണികൾക്ക് പ്രവേശനമില്ലാതെ ക​ർ​ശ​ന സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ച്ചാ​വും ഫു​ട്​​ബാ​ൾ സീ​സ​ണി​ന്റെ തി​രി​ച്ചു​വ​ര​വ്. എന്നാൽ കളിക്കാർക്ക് കൊവിഡ് ടെസ്റ്റ് നടത്തുന്നതും പരിശീലനങ്ങൾ പുനരാരംഭിക്കുന്നതും സംബന്ധിച്ച തീയതികൾ പ്രഖ്യാപിച്ചിട്ടില്ല.
ജർമ്മനിയിൽ ഇൗ മാസം 16നും സ്‌പെയ്‌നിൽ ജൂൺ 12നും ലീഗുകൾ പുനരാരംഭിക്കാനുള്ള ശ്രമങ്ങൾ നടക്കുന്നതിനിടെയാണ് ഇംഗ്ളണ്ടിൽ പ്രതീക്ഷിച്ചതിലുമേറെ നേരത്തേ അനുമതി ലഭിച്ചിരിക്കുന്നത്.

നി​ഷ്​​പ​ക്ഷ വേ​ദി​ ?

നി​ഷ്​​പ​ക്ഷ വേ​ദി​യി​ൽ മ​ത്സ​രം ന​ട​ത്താ​നാ​ണ്​ നീ​ക്കം. എന്നാൽ ഹോംഗ്രൗണ്ടുകളിൽ കളി നടത്താൻ പൊലീസും ആരോഗ്യവകുപ്പും സമ്മതം മൂളിയെന്ന് റിപ്പോർട്ടുകളുണ്ട്. ഇ​തു​സം​ബ​ന്ധി​ച്ച്​ ച​ർ​ച്ച​ക​ൾ പു​രോ​ഗ​മി​ക്കു​ക​യാ​ണ്. ആ​ഴ്​​ച​യി​ൽ ര​ണ്ടു ദി​വ​സം എ​ന്ന​തി​നു പ​ക​രം കൂ​ടു​ത​ൽ ദി​വ​സ​ങ്ങ​ളി​ൽ ക​ളി ന​ട​ത്തി ജൂ​ലായ് അ​വ​സാ​​ന​ത്തോ​ടെ ലീ​ഗ്​ പൂ​ർ​ത്തി​യാ​ക്കാ​നും നി​ർ​ദ്ദേ​ശ​മു​ണ്ട്. മാ​ർ​ച്ച്​ ആ​ദ്യ​വാ​ര​ത്തി​ൽ നി​റു​ത്തി​വെ​ച്ച ലീ​ഗി​ൽ ഇ​നി​യും ഒ​മ്പ​ത്​ റൗ​ണ്ട്​ മ​ത്സ​ര​ങ്ങ​ൾ ​ബാ​ക്കി​യു​ണ്ട്. ര​ണ്ട്​ ജ​യം അ​ക​ലെ കി​രീ​ടം കാ​ത്തി​രി​ക്കു​ന്ന ലി​വ​ർ​പൂ​ൾ ആ​രാ​ധ​ക​ർ​ക്കാ​ണ്​​ പു​തി​യ വാ​ർ​ത്ത​ക​ൾ ഏ​റ്റ​വും സ​ന്തോ​ഷം ന​ൽ​കു​ന്ന​ത്.

സുരക്ഷാ നിർദ്ദേശങ്ങൾ

കാ​ണി​ക​ൾ​ക്ക്​ സ്​​റ്റേ​ഡി​യ​ത്തി​ൽ പ്ര​വേ​ശ​നം അ​നു​വ​ദി​ക്കി​ല്ല.

ക​ളി​ക്കാ​രു​ടെ പ​രി​ശീ​ല​നം, താ​മ​സം, മ​ത്സ​ര​ത്തി​നി​ട​യി​ലെ ഇ​ട​പെ​ട​ൽ എ​ന്നി​വ​യി​ലും മാ​ർ​ഗ​രേ​ഖയുണ്ടാകും.

പരിശീലനത്തിനിടെ ടാക്ളിംഗ്, അനാവശ്യമായ പിടിച്ചുവലി എന്നിവ അനുവദിക്കില്ല

പരിശീലനത്തിന്റെയും മത്സരത്തിന്റെയും ഒാരോ സെഷനും മുമ്പ് ഗ്രൗണ്ട് ,ഗോൾ പോസ്റ്റുകൾ, കോർണർ ഫ്ളാഗ് തുടങ്ങിയവ അണുവിമുക്തമാക്കും.

വിമർശനം

കൊ​വി​ഡ്​ വ്യാ​പ​ന​വും മ​ര​ണ​വും കൂ​ടു​ന്ന​തി​നി​ടെ ക​ളി പു​ന​രാ​രം​ഭി​ക്കു​ന്ന​ത്​ ആ​ത്​​മ​ഹ​ത്യാ​പ​ര​മെ​ന്നാ​ണ്​ താ​ര​ങ്ങ​ളു​ടെ പ​ക്ഷം. സാ​മൂ​ഹി​ക അ​ക​ലം പാ​ലി​ക്കാ​ൻ പൊ​തു​ജ​ന​ങ്ങ​ളോ​ട്​ ആ​വ​ശ്യ​പ്പെ​ടുമ്പോ​ഴാ​ണ്​ ശാ​രീ​രി​ക​മാ​യി അ​ടു​ത്തി​ട​പ​ഴ​കു​ന്ന കാ​യി​ക മ​ത്സ​ര​ങ്ങ​ൾ ന​ട​ത്താ​നു​ള്ള നീ​ക്ക​മെ​ന്നാ​ണ്​ വി​മ​ർ​ശം. ‘ഞ​ങ്ങ​ളും മ​നു​ഷ്യ​രാ​ണ്​’ എ​ന്നാ​യി​രു​ന്നു നോ​ർ​വി​ച്ച്​ മി​ഡ്​​ഫീ​ൽ​ഡ​ർ ടോ​ട്​ കാന്റ്‌വെ​ല്ലി​ന്റെ ട്വീ​റ്റ്.

‘ആ​യി​ര​ങ്ങ​ൾ മ​രി​ച്ചു വീ​ഴുമ്പോ​ൾ ഫു​ട്​​ബാ​ൾ എ​ന്ന്​ ഉ​ച്ച​രി​ക്കാ​ൻ പോ​ലു​മാ​വി​ല്ല. ജ​ന​ങ്ങ​ൾ ദു​ര​ന്ത​മു​ഖ​ത്താ​ണ്​ ജീ​വി​ക്കു​ന്ന​ത്​’ -ടോ​ട്ട​ൻ​ഹാ​മി​ന്റെ ഇം​ഗ്ലീ​ഷ്​ ഡി​ഫ​ൻ​ഡ​ർ ഡാ​നി റോ​സ്​ തു​റ​ന്ന​ടി​ച്ചു. സെ​ർ​ജി​യോ അ​ഗ്യു​റോ, റ​ഹിം​ സ്​​റ്റെർ​ലിംഗ് തു​ട​ങ്ങി​യ താ​ര​ങ്ങ​ളും വി​മ​ർ​ശനമുയർത്തുന്നുണ്ട്.

ക​ളി​ക്കാ​രെ​യും ടീം ​ഒ​ഫീ​ഷ്യ​ൽ​സി​നെ​യും ബോ​ധ്യ​പ്പെ​ടു​ത്തി​യ ശേ​ഷം മാ​ത്ര​മേ സീ​സ​ൺ പു​ന​രാ​രം​ഭി​ക്കു​ന്ന​ത്​ സം​ബ​ന്ധി​ച്ച്​ പ്ര​ഖ്യാ​പ​നം ന​ട​ത്തൂ​.

റി​ച്ചാ​ർ​ഡ്​ മാ​സ്​​റ്റേ​ഴ്​​സ് സി.​ഇ.​ഒ, ​

പ്രീ​മി​യ​ർ​ലീ​ഗ്​ എതിർത്ത് ലണ്ടൻ മേയറും

ജൂണിൽ പ്രിമിയർ ലീഗ് തുടങ്ങാനുള്ള തീരുമാനത്തിനെതിരെ ലണ്ടൻ മേയർ സാദിഖ് ഖാൻ പരസ്യമായി രംഗത്ത് വന്നു.താൻ ലീഗ് തുടങ്ങണമെന്ന് ആഗ്രഹിക്കുന്ന ആളാണെങ്കിലും ഇത്ര വേഗത്തിലെ തിരിച്ചുവരവ് ശരിയായ നടപടിയല്ലെന്ന് അദ്ദേഹത്തിന്റെ ഒാഫീസ് പത്രക്കുറിപ്പിൽ അറിയിച്ചു.

ഇപ്പോഴും ലണ്ടൻ നഗരത്തിൽ ദിവസവും നൂറുകണക്കിന് പേർ മരിച്ചുകൊണ്ടിരിക്കുകയാണെന്നും അദ്ദേഹം ചൂണ്ടിക്കാട്ടി. ആഴ്സനൽ, ചെൽസി, ടോട്ടൻഹാം എന്നിവയടക്കം അഞ്ച് മുൻ നിര ക്ളബുകളാണ് ലണ്ടൻ നഗരത്തിലുളളത്.