ഇരിങ്ങാലക്കുട: തെറ്റിപ്പിരിഞ്ഞ മുൻ കാമുകിയുടെ സ്വകാര്യ ചിത്രങ്ങൾ വാട്സ് ആപ്പിൽ സ്റ്റാറ്റസാക്കിയ യുവാവ് അറസ്റ്റിൽ. മുളങ്കുന്നത്തുകാവ് സ്വദേശി പുളിനംപറമ്പിൽ അനിൽകുമാർ (34) ആണ് ഇരിങ്ങാലക്കുട പൊലീസിന്റെ പിടിയിലായത്. ഇരിങ്ങാലക്കുട സ്വദേശിയായ യുവതിയുടെ പരാതിയിലാണ് അറസ്റ്റ്. എട്ടുമാസം മുമ്പ് തൃശൂരിൽ നഴ്സിനെ കൊല്ലാൻ ശ്രമിച്ച കേസിലെ പ്രതിയായ അനിൽകുമാർ ഇപ്പോൾ ജാമ്യത്തിലാണ്. ഇരിങ്ങാലക്കുട എസ്.ഐ പി.ജി.അനൂപ്, പൊലീസ് ഉദ്യോഗസ്ഥരായ ജോസഫ്, നിഷി, ജെനിൽ, അനൂപ് ലാലൻ, വൈശാഖ് മംഗലൻ എന്നിവർ ചേർന്നാണ് പ്രതിയെ പിടികൂടിയത്.