ലണ്ടൻ: കോടികൾ വെട്ടിച്ച് രാജ്യംവിട്ട മദ്യ വ്യവസായി വിജയ് മല്ല്യക്ക് യു.കെ. കോടതികളിൽ നിയമപരമായ അവസരങ്ങൾ അവസാനിച്ചു. ഒരു മാസത്തിനുള്ളിൽ മല്ല്യയെ ഇന്ത്യക്ക് കൈമാറിയേക്കുമെന്നാണ് സൂചന.

ഇന്ത്യക്ക് കൈമാറാനുള്ള 2018-ലെ ഹൈക്കോടതി വിധിക്കെതിരെ സുപ്രീംകോടതിയെ സമീപിക്കാനുള്ള മല്ല്യയുടെ അന്തിമ അപ്പീലും ഇന്നലെ ഹൈക്കോടതി തള്ളി. ഇതോടെ ഇന്ത്യക്ക് കൈമാറുന്നത് ചോദ്യം ചെയ്യാനുള്ള മല്ല്യയുടെ അവസരം അവസാനിച്ചു.

ഇന്ത്യ-ബ്രിട്ടൻ ഉടമ്പടി പ്രകാരം 28 ദിവസത്തിനുള്ളിൽ മല്ല്യയെ ഇന്ത്യക്ക് കൈമാറാൻ സാധിച്ചേക്കുമെന്ന് യുകെ ആഭ്യന്തര മന്ത്രാലയ സെക്രട്ടറി പ്രീതി പട്ടേൽ വ്യക്തമാക്കി. ഇന്ത്യൻ ബാങ്കുകളിൽ നിന്ന് 9,000 കോടിയുടെ വായ്പയെടുത്താണ് മല്ല്യ രാജ്യം വിട്ടത്. ഇന്ത്യക്ക് കൈമാറാനുള്ള ഉത്തരവിനെതിരെ കഴിഞ്ഞ മാസം മല്ല്യ നൽകിയ അപ്പീലും പരാജയപ്പെട്ടിരുന്നു.