മുംബയ്: കൊവിഡ് ബാധിച്ച് മലയാളി മുംബയിൽ മരിച്ചു. തിരുവനന്തപുരം സ്വദേശി അംബി സ്വാമി (50) ആണ് മരിച്ചത്. ​ഗൊരേ​ഗാവിൽ ഡ്രൈവറായി ജോലി ചെയ്യുകയായിരുന്നു ഇദേഹം. അംബി സ്വാമിക്ക് എങ്ങനെയാണ് രോ​ഗബാധയുണ്ടായതെന്ന് കണ്ടെത്താനായിട്ടില്ല.

ലോക്ക്ഡൗൺ തുടങ്ങിയ ശേഷം വീട്ടിൽ നിന്ന് ഇദ്ദേഹം പുറത്തുപോയിട്ടില്ലെന്നാണ് ബന്ധുക്കൾ പറയുന്നത്. പനിയും ചുമയും ബാധിച്ച് ഇന്നലെയാണ് ആശുപത്രിയിൽ പ്രവേശിപ്പിച്ചത്. ഇതോടെ കൊവിഡ് ബാധിച്ച് മുംബയിൽ മരിച്ച മലയാളികളുടെ എണ്ണം നാല് ആയി.