വാഷിംഗ്ടൺ: ലോകത്ത് കൊവിഡ് വൈറസ് ബാധ സ്ഥിരീകരിച്ചവരുടെ എണ്ണം 46 ലക്ഷം കടന്നു.വൈറസ്​ ബാധയെ തുടർന്ന്​ 3,08927 ലക്ഷം പേരാണ് ഇതുവരെ മരിച്ചത്.

1,766, 722 പേർ രോഗവിമുക്തരായി. നിലവിൽ രോഗികളായി തുടരുന്ന 45,000ലേറെപ്പേരുടെ നില അതീവ ഗുരുതരമാണ്.

അമേരിക്കയിൽ കൊവിഡ്​ മരണം 88,507 ആയി. 1,484,285 രോഗബാധിതരാണ്​ രാജ്യത്തുള്ളത്​. മരണനിരക്കിൽ രണ്ടാം സ്ഥാനത്തുള്ള യു.കെയിൽ 33,998 പേരാണ്​ മരിച്ചത്​. ഇറ്റലിയിൽ മരണം 31,610 ആയി. കഴിഞ്ഞ ദിവസങ്ങളിൽ ഏറ്റവും കൂടുതൽ കൊവിഡ്​​ കേസുകളും മരണങ്ങളും റിപ്പോർട്ട്​ ചെയ്​തത്​ ബ്രസീലിലാണ്​. കഴിഞ്ഞ 24 മണിക്കൂറിനിടെ ബ്രസീലിൽ 2068 പുതിയ കേസുകളും 145 മരണങ്ങളും റിപ്പോർട്ട്​ ചെയ്​തു. ഇതോടെ ബ്രസീലിൽ കൊവിഡ്​ ബാധിച്ചവരുടെ എണ്ണം 220,291 ആയി. മരണസംഖ്യ 14,962 ആയി ഉയർന്നു.

അതേസമയം, റഷ്യയിൽ കൊവിഡ്​ ബാധിതരുടെ എണ്ണം 272,043 ആയി. കൊവിഡ്​ കേസുകൾ കൂടിയ രാജ്യങ്ങളുമായി താരതമ്യം ചെയ്യുമ്പോൾ റഷ്യയിൽ മരണ നിരക്ക് കുറവാണ്. രാജ്യത്ത്​ വൈറസ്​ മൂലം ജീവൻ നഷ്​ടമായത്​ 2,537 പേർക്കാണ്​. ഇതുവരെ 60,000ത്തോളം പേർ റഷ്യയിൽ രോഗമുക്തി നേടിയിട്ടുണ്ട്. കൊവിഡിന് ഇതുവരേയും വാക്സിൻ വികസിപ്പിക്കാൻ കഴിയാത്തത് ലോകത്തിന് മുന്നിൽ വെല്ലുവിളിയാണ്. അതേ സമയം കൊവിഡ് പ്രതിരോധ വാക്സിൻ വിപണിയിലെത്തുമ്പോൾ അതിനു വലിയ വില നൽകേണ്ടി വരില്ലെന്നെന്നാണ് വിദഗ്ധർ വ്യക്തമാക്കുന്നത്.