മുംബയ്: നഗരത്തിലെ വാംഖഡെ സ്​റ്റേഡിയം കോവിഡ്​ ക്വാറന്റൈൻ കേന്ദ്രമാക്കാൻ വിട്ടുകൊടുക്കണമെന്ന് ആവശ്യപ്പെട്ട് മുംബൈ മുനിസിപ്പൽ കോർപറേഷൻ വെള്ളിയാഴ്​ച മുംബൈ ക്രിക്കറ്റ് അസോസിയേഷന് കത്ത് നൽകി.

ഉത്തരവിനോട്​ സഹകരിക്കുന്നില്ലെങ്കിൽ പൊലീസ്​ നടപടി സ്വീകരിക്കുമെന്ന്​ കോർപറേഷൻ അസോസിയേഷന് മുന്നറിയിപ്പ്​ നൽകി. സർക്കാരിൻെറ കോവിഡ് പ്രതിരോധ പ്രവർത്തനങ്ങളുമായി എം.സി.എ സഹകരിക്കുന്നില്ലെന്ന്​ നേരത്തെ ആരോപണമുയർന്നിരുന്നു. എന്നാൽ സഹകരിക്കാൻ മടിയുമില്ലെന്ന്​ എം.സി.എയിലെ മുതിർന്ന ഭാരവാഹി വ്യക്​തമാക്കി