ജനീവ: തെരുവുകളിൽ അണുനാശിനി തളിക്കുന്നതുകൊണ്ട് പുതിയ കൊവിഡിനെ നശിപ്പിക്കാനാവില്ലെന്നും, ആളുകളുടെ ആരോഗ്യത്തിന് പോലും ഇത് അപകടം ഉണ്ടാക്കിയേക്കാമെന്നും ലോകാരോഗ്യ സംഘടനയുടെ മുന്നറിയിപ്പ്. തെരുവുകളിലോ മാർക്കറ്റ് പോലുള്ള സ്ഥലങ്ങളിലോ അണു നാശിനി തളിക്കുന്നതോ ഫ്യൂമിഗേഷൻ ചെയ്യുന്നതോ കൊണ്ട് വൈറസിനെയോ പകർച്ച രോഗാണുക്കളെയോ കൊല്ലാനാവില്ല, കാരണം അഴുക്കും അവശിഷ്ടങ്ങളും അണുനാശിനിയെ നിർജ്ജീവമാക്കുന്നു

തെരുവുകളും നടപ്പാതകളും കൊവിഡ് 'അണുബാധയുടെ സംഭരണസ്ഥലങ്ങളായി ' കണക്കാക്കുന്നില്ല. വ്യത്യസ്ത പ്രതലങ്ങളിൽ വ്യത്യസ്ത ആയുസ്സാണ് വൈറസിനെന്നും പഠനങ്ങൾ പറയുന്നു. അണുനാശിനി വ്യക്തികളുടെ മേൽ തളിക്കാനേ പാടില്ല. ഇത്തരം പ്രവൃത്തി ശാരീരികമായും മാനസികമായും ഹാനികരമായേക്കാമെന്നും, കണ്ണിനും ചർമ്മത്തിനും പ്രശ്നങ്ങൾ ഉണ്ടാക്കുമെന്നും, ബ്രോങ്കോസ്പാസം തുടങ്ങിയ പ്രശ്നങ്ങൾ ഉണ്ടാകുമെന്നും ലോകാരോഗ്യ സംഘടന മുന്നറിയിപ്പ് നൽകുന്നു..