മുംബയ്: ലോക്ക്‌ഡൗണിൽ സീരിയിൽ ഷൂട്ടിംഗ് നിലച്ചതിനെ തുടർന്ന് വരുമാനം നിലച്ചതിൽ മനംനൊന്ത് സീരിയിൽ നടൻ ആത്മഹത്യ ചെയ്‌തു. മൻമീത് ഗരേവാളാണ് (32) നവിമുംബൈ ഖാർഘറിലെ വീട്ടിൽ ജീവനൊടുക്കിയത്. സാമ്പത്തിക പ്രതിസന്ധികളാണ് ആത്മഹത്യയ്‌ക്ക് പിന്നിലെന്നാണ് സൂചന.
ആത്മഹത്യാശ്രമം കണ്ട് ഭാര്യ ബഹളം വച്ചെങ്കിലും അയൽക്കാർ ആരുംതന്നെ സഹായത്തിനെത്തിയില്ല എന്നാണ് ആരോപണം. കൊവിഡ് സംശയത്തെ തുടർന്നാണ് ആരും സഹായത്തിനെത്താത്തത് എന്ന വാദവും ഉയരുന്നുണ്ട്. ലോക്ക്ഡൗണിനെത്തുടർന്ന് ഷൂട്ടിംഗ് നിലച്ചതോടെ നടൻ വീട്ടുവാടക പോലും നൽകാനാവാത്ത സ്ഥിതിയിലായിരുന്നുവെന്ന് സുഹൃത്തുക്കൾ പറയുന്നു.