തൃശൂർ: പെ​രി​യാ​റി​ലെ ജ​ല​നി​ര​പ്പ് നി​യ​ന്ത്രിക്കാനുള്ള സു​ര​ക്ഷാ ക്ര​മീ​ക​ര​ണ​ങ്ങ​ളു​ടെ ഭാ​ഗ​മാ​യി ഭൂ​ത​ത്താ​ൻ​കെ​ട്ട് ഡാ​മി​ന്‍റെ ഷട്ടറുകൾ ഉ​യ​ർ​ത്തി. ഡാമിന്റെ ഏതാനും ഷട്ടറുകളാണ് ഇപ്പോൾ നേരിയ തോതിൽ ഉയർത്തിയിരിക്കുന്നത്. ശ​ക്ത​മാ​യ മ​ഴ​യി​ൽ പെ​രി​യാ​റി​ൽ ജ​ല​നി​ര​പ്പ് ഉ​യ​ർ​ന്ന് നാ​ശ​ന​ഷ്ട​ങ്ങ​ളു​ണ്ടാ​കു​ന്ന​ത് ത​ട​യാൻ വേണ്ടിയുള്ള നടപടികളുടെ ഭാഗമായാണ് ഷട്ടറുകൾ ഉയർത്തിയത്.

പെ​രി​യാ​ർ​വാ​ലി ക​നാ​ലു​ക​ളി​ൽ വെ​ള്ളം കു​റ​ച്ചി​ട്ടു​ണ്ട്. മ​റ്റ് പു​ഴ​ക​ളി​ലെ ചെ​ക്ക് ഡാ​മു​ക​ൾ തു​റ​ക്കാ​നും സ​ർ​ക്കാ​ർ നി​ർ​ദേ​ശ​മു​ണ്ട്. കോ​ത​മം​ഗ​ലം കു​രൂ​ർ​തോ​ട്ടി​ലു​ൾ​പ്പെ​ടെ വി​വി​ധ ചെ​ക്ക്ഡാ​മു​ക​ൾ ഇപ്പോൾ തു​റ​ന്നു ക​ഴി​ഞ്ഞു. മഴ ഇടയ്ക്കിടയായി പെയ്യുന്നുണ്ടെങ്കിലും പു​ഴ​ക​ളി​ൽ ക്ര​മാ​തീ​ത​മാ​യി ജ​ല​നി​ര​പ്പ് ഉ​യ​ർ​ന്നി​ട്ടി​ല്ല. ഏ​താ​നും ദി​വ​സം​കൂ​ടി മ​ഴ തു​ട​രു​മെ​ന്നാ​ണ് കാ​ലാ​വ​സ്ഥാ റി​പ്പോ​ർ​ട്ട്.

കാ​ല​വ​ർ​ഷം തു​ട​ങ്ങു​ന്ന​തി​ന് മു​ന്പു​ത​ന്നെ ഭൂ​ത​ത്താ​ൻ​കെ​ട്ട് ഡാം ​പൂ​ർ​ണ​മാ​യി തു​റ​ക്കാ​ൻ പെ​രി​യാ​ർ​വാ​ലി​ക്ക് നി​ർ​ദേ​ശം ല​ഭി​ച്ചി​ട്ടു​ണ്ട്. വരുന്ന ഇരുപത്തിയഞ്ചാം തീയതിയാണ് ഡാം പൂർണമായും തുറക്കുക. എന്നാൽ പെ​രി​യാ​റി​ൽ ജ​ല​നി​ര​പ്പ് ഉ​യ​രുന്ന സാഹചര്യം ഉണ്ടായാൽ 25ന് മുൻപേ തന്നെ ഡാം ​തു​റ​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കിയിട്ടുണ്ട്.