ചെന്നൈ: തമിഴ്നാട്ടില്‍ നിയന്ത്രണങ്ങളില്‍ ഇളവുകള്‍ നല്‍കി തുടങ്ങിയതോടെ ഇന്നുമുതല്‍ ഗ്രാമങ്ങളിലെ ബര്‍ബര്‍ ഷോപ്പുകളിൽ പ്രവർത്തനം ആരംഭിച്ചു. അതേസമയം നഗരങ്ങളിൽ ബാർബർ ഷോപ്പുകൾ തുറക്കാൻ പാടില്ല.സാമൂഹിക അകലം പാലിക്കണമെന്ന നിര്‍ദ്ദേശം കര്‍ശനമായി പാലിച്ചുകൊണ്ടാണ് ബാര്‍ബര്‍ ഷോപ്പുകള്‍ തുറക്കുക. ബാര്‍ബര്‍മാര്‍ മാസും ഗ്ലൗസും ധരിക്കണമെന്നും സാനിറ്റൈസറുകള്‍ ഉപയോഗിക്കണമെന്നും മുഖ്യമന്ത്രി പത്രക്കുറിപ്പില്‍ അറിയിച്ചു.
ബാര്‍ബര്‍ ഷോപ്പുകളില്‍ സാമൂഹിക അകലവും ശുചിത്വവും പാലിക്കുന്നതിനായുള്ള നിര്‍ദ്ദേശങ്ങള്‍ പുറത്തിറക്കിയിട്ടുണ്ട്. ഇടക്കിടയ്ക്ക് കൈകള്‍ ശുചിയാക്കണമെന്നും അഞ്ച് തവണ അണുനശീകരണം നടത്തണമെന്നും നിര്‍ദ്ദേശത്തില്‍ പറയുന്നു. അതേസമയം ബ്യൂട്ടിപാര്‍ലറുകള്‍ തുറക്കുന്നതിനെക്കുറിച്ച് മുഖ്യമന്ത്രി വ്യക്തമാക്കിയിട്ടില്ല.