തൃശൂർ: ടി.എൻ പ്രതാപനും അനിൽ അക്കരയ്ക്കും കൊവിഡ് വൈറസ് ബാധയില്ലെന്ന് സ്ഥിരീകരണം. രണ്ട് പേരും വീടുകളിൽ നിരീക്ഷണത്തിൽ കഴിയവെയാണ് പരിശോധനഫലം പുറത്തുവന്നിരിക്കുന്നത്. എന്നാൽ എ.സി മൊയ്‌തീൻ നിരീക്ഷണത്തിൽ പോകാത്തതിൽ പ്രതിഷേധിച്ച് പ്രതാപനും അനിൽ അക്കരയും നടത്തുന്ന നിരാഹാര സമരം ഇരുവരുടെയും വീടുകളിൽ തുടരുകയാണ്. ഇന്നലെയാണ് ആരോഗ്യ വകുപ്പ് അധികൃതർ കൊവിഡ് പരിശോധനയ്ക്കായി രണ്ടുപേരുടെയും വീടുകളിലെത്തി സ്രവം ശേഖരിച്ചത്. ഇരുവർക്കും കൊവിഡില്ലെന്ന് സ്ഥിരീകരിച്ചെങ്കിലും രാഷ്ട്രീയ വിവാദം തുടരുക തന്നെ ചെയ്യും. എം.പിമാരായ വി.കെ ശ്രീകണ്ഠൻ, രമ്യാഹരിദാസ്, ഷാഫി പറമ്പിൽ എം.എൽ.എ എന്നിവരും വീടുകളിൽ നിരീക്ഷണത്തിലാണ്.