കൊല്ലം : ചാത്തന്നൂരിന് സമീപം കാരംകോട് ശീമാട്ടി ഗുരുമന്ദിരത്തിന് സമീപത്തെ എസ്.ബി.ഐ.യുടെ എ.ടി.എം. കുത്തിത്തുറന്ന് കവർച്ചാശ്രമം. എ.ടി.എമ്മിന്റെ പാസ്‌വേ‌ർഡ്‌ ലോക്ക് നശിപ്പിക്കാൻ മാത്രമേ കള്ളന്മാർക്കായുള്ളൂ. എ.ടി.എമ്മിൽ പണം നിറയ്ക്കാനായി എത്തിയപ്പോഴാണ് കവർച്ചാശ്രമം അറിയുന്നത്. കഴിഞ്ഞ വെള്ളിയാഴ്ച എ.ടി.എമ്മിന്റെ കാമറ കറുത്ത പെയിന്റ് അടിച്ച് ആരോ മറച്ചിരുന്നു. തുടർന്ന് ബാങ്ക് അധികൃതർ ചാത്തന്നൂർ പൊലീസിൽ പരാതി നൽകിയിരുന്നു.ബാങ്ക് അധികൃതരും ചാത്തന്നൂർ പൊലീസും എ.ടി.എമ്മിൽ എത്തി പരിശോധിച്ചു.