തെലുങ്ക് സൂപ്പർ സ്റ്റാർ ജൂനിയർ എൻടിആറിന് ജന്മദിനാശംസ അറിയിച്ച് സംവിധായകൻ രാജമൗലിയും അണിയറ പ്രവർത്തകരും. ആർ.ആർ.ആർ ടീമിൻ്റെ പിറന്നാൾ സമ്മാനം ട്വിറ്ററിലൂടെയാണ് പങ്കുവെച്ചിരിക്കുന്നത്. ബാഹുബലിക്ക് ശേഷം രാജമൗലി സംവിധാനം ചെയ്യുന്ന ബ്രഹ്മാണ്ഡ ചിത്രത്തിൽ ജൂനിയർ എൻടിആറാണ് ഒരു മുഖ്യ കഥാപാത്രത്തെ അവതരിപ്പിക്കുന്നത്.
'ആര്‍ആര്‍ആര്‍' എന്ന് പേരിട്ടിരിക്കുന്ന ചിത്രത്തിന്റെ പൂർണ രൂപം 'രുധിരം രണം രൗദ്രം' എന്നാണ്. 'ഞങ്ങളുടെ കോമരം ഭീമിന് ആശംസകൾ എന്നാണ് അണിയറക്കാർ കുറിച്ചിരിക്കുന്നത്. താങ്കളുടെ ഓൺ സ്ക്രീനിലും ഓഫ് സ്ക്രീനിലുമുള്ള എനർജിയാണ് ടീമിനെ ഉഷാറാക്കി നിർത്തുന്നതെന്നും അണിയറപ്രവർത്തകർ ട്വീറ്റ് ചെയ്തു. എൻടിആറുമായി ചേർന്ന് ഞങ്ങളൊരുക്കിയ സംഗതി പുറത്ത് വിടാനായി ഇനിയും ഞങ്ങൾക്ക് കാത്തിരിക്കാൻ വയ്യ എന്നും കുറിച്ചിരിക്കുന്നു. അത് തരംഗം സൃഷ്ടിക്കുമെന്നും അണിയറക്കാർ പറയുന്നു.
A very happy birthday to our Komaram Bheem @tarak9999!
— RRR Movie (@RRRMovie) May 19, 2020
Your energy both on and off the screen is a source of delight for the entire team.
We can't wait to show the world what we have created with you...🌊#RRRMovie #HappyBirthdayNTR pic.twitter.com/6OC0Uy1DZe