കൊച്ചി: പെട്രോളൊഴിച്ച് തീ കൊളുത്തിയ ശേഷം ഓട്ടോഡ്രൈവർ ആത്മഹത്യ ചെയ്തു. വടുതല സ്വദേശി ഫിലിപ്പ് എന്നയാളാണ് ആത്മഹത്യ ചെയ്തത്. ആത്മഹത്യക്ക് മുൻപ് മറ്റുരണ്ടുപേരുടെ ദേഹത്ത് കൂടി ഫിലിപ്പ് പെട്രോൾ ഒഴിച്ചിരുന്നു. എന്നാൽ ഇവ‍ർ പരിക്കുകളോടെ രക്ഷപ്പെട്ടു.

കൊച്ചി പച്ചാളത്തെ ഷൺമുഖം റോഡിൽ വച്ചാണ് സംഭവം. ഷൺമുഖം റോഡിലെ ഒരു കടയിലെത്തിയ ഫിലിപ്പ് കടയുടമ പങ്കജാക്ഷന്റെയും കടയിലുണ്ടായിരുന്ന ജെറി എന്നയാളുടേയും ദേഹത്തേക്ക് പെട്രോളൊഴിക്കുകയായിരുന്നു. ഇതിനു ശേഷം ഇയാൾ സ്വയം തീകൊളുത്തുകയായിരുന്നു. സാരമായി പൊള്ളലേറ്റ പങ്കജാക്ഷനേയും ജെറിയേയും ആശുപത്രിയിൽ പ്രവേശിപ്പിച്ചു. ഇരുവരുടെയും നില ഗുരുതരമാണെന്നാണ് ആശുപത്രിയിൽ നിന്ന് ലഭിക്കുന്ന വിവരം.