പടവലം കേരളത്തിൽ വളരെ നന്നായിട്ട് വിളയുന്ന ഒരു പച്ചക്കറിയാണ്. ഗ്രോ ബാഗിൽ ടെറസ്സിൽ വളർത്താൻ സാധിക്കുന്ന പച്ചക്കറി കൂടിയാണ് പടവലം. ജൂൺ, ജൂലായ്‌ മാസങ്ങളോഴികെ കഠിനമായ മഴ ഇല്ലാത്ത ഏതു സമയത്തും പടവലം കൃഷി ചെയ്യാവുന്നതാണ്. വിത്ത്‌ നേരിട്ട് പാകിയാണ് കൃഷി ഇറക്കുന്നത്‌.
ചാണക പൊടി, കരി ഇലകൾ, മണ്ണ് അൽപം കടലപിണ്ണാക്കും ചേർത്ത് മണ്ണിൽ വിത്തിടാം. വിത്ത്‌ രണ്ടില പാകം ആകുന്നത് വരെ വെയിൽ കൊള്ളാതെ സൂക്ഷിക്കണം.
വിത്ത്‌ മുളച്ച് 20 ദിവസത്തിന് ശേഷം ആദ്യത്തെ വളം കൊടുക്കണം കടലപിണ്ണാക്ക്, ചാരം, എല്ലുപൊടി എന്നിവ വളമായി നൽകാം. പൂവിട്ട് കഴിഞ്ഞാൽ കടലപിണ്ണാക്ക് പുളിപ്പിച്ചത് ആഴ്ചയിൽ ഒരിക്കൽ ഇട്ട് കൊടുക്കണം.
ഇല ചുരുട്ടി പുഴു, കായീച്ച, തണ്ട് തുരപ്പൻ എന്നിവ ആക്രമണകാരികളായ ശത്രുക്കളാണ്. ഗോമൂത്രം, കാ‍ന്താരി, വെളുത്തുള്ളി മിശ്രിതം സ്പ്രേ ചെയ്തു ഇവയെ അകറ്റാവുന്നതാണ്.