കണ്ണൂർ: പ്രവാസികളുടെ ഒഴുക്ക് കൂടിയതോടെ കണ്ണൂർ ജില്ലയിലും നിരീക്ഷണത്തിലുള്ളവരുടെ ക്രമാതീതമായി പെരുകുന്നു. നിലവിൽ 9,384 പേരാണ് ജില്ലയിൽ നിരീക്ഷണത്തിലുള്ളത്. ഇവരിൽ കണ്ണൂർ ഗവ. മെഡിക്കൽ കോളേജ് ആശുപത്രിയിൽ 39 പേരും അഞ്ചരക്കണ്ടി കോവിഡ് ചികിത്സാ കേന്ദ്രത്തിൽ 36 പേരും തലശ്ശേരി ജനറൽ ആശുപത്രിയിൽ ഏഴു പേരും കണ്ണൂർ ജില്ലാ ആശുപത്രിയിൽ 14 പേരും വീടുകളിൽ 9,288 പേരുമാണ് നിരീക്ഷണത്തിൽ കഴിയുന്നത്.

ഇതുവരെയായി ജില്ലയിൽ നിന്നും 5,220 സാമ്പിളുകൾ പരിശോധനയ്ക്കയച്ചതിൽ 5,038 എണ്ണത്തിന്റെ ഫലം ലഭ്യമായി. 4,778 എണ്ണത്തിന്റെ ഫലം നെഗറ്റീവാണ്. 182 എണ്ണത്തിന്റെ ഫലം ലഭിക്കാനുണ്ട്.