കോൺ‌ടാക്റ്റ്ലെസ് വിൽ‌പനയ്ക്കും സേവനങ്ങൾക്കുമായി ചൈനീസ് വാഹന നിർമാതാക്കളായ എം.ജി മോട്ടോർ ഇന്ത്യ.യിൽ ഒരു പുതിയ മൊബൈൽ ആപ്ലിക്കേഷൻ പുറത്തിറക്കിയിരിക്കുകയാണ്. 'മൈ എം.ജി ' എന്ന് പേരിട്ടിരിക്കുന്ന ആപ്പ് ഉപഭോക്താക്കൾക്കായി നിരവധി സേവനങ്ങളാണ് വാഗ്ദാനം ചെയ്യുന്നത്. വീട്ടിലിരുന്ന് തന്നെ ഉപഭോക്താക്കൾക്ക് നിരവധി സേവനങ്ങൾ അസ്വദിക്കാൻ സാധിക്കുന്നു.
ഈ ആപ്ലിക്കേഷനിലൂടെ ഉപഭോക്താക്കൾക്ക് ഒരു പുതിയ കാർ ബുക്ക് ചെയ്യാനും ഉൽപാദനം മുതൽ അന്തിമ ഡെലിവറി വരെ അതിന്റെ എല്ലാ പ്രവർത്തനങ്ങളും ട്രാക്ക് ചെയ്യാനും സാധിക്കും.വാറന്റി, ഡിജിറ്റൽ മാനുവൽ ആക്സസ്, പരിരക്ഷണ പദ്ധതികൾ എന്നിവയുൾപ്പെടെയുള്ള കാറിനെക്കുറിച്ചുള്ള വിശദാംശങ്ങൾ മനസ്സിലാക്കുവാൻ സാധിക്കും. അടുത്തുള്ള ഡീലർമാരുടെ സ്ഥലവും അവിടേക്കുള്ള വഴിയും, ആർ.എസ്.എ,ഡിജിറ്റൽ വാലറ്റ് എന്നിവയും മറ്റ് ചില പ്രധാന സവിശേഷതകളാണ്. സർവ്വീസ് ചെലവ് എസ്റ്റിമേറ്റ്, സർവ്വീസ് ഹിസ്റ്ററി എന്നിവയെക്കുറിച്ചുള്ള വിവരങ്ങൾ നൽകുന്നതിനൊപ്പം മൊത്തം ചെലവും ഇത് വ്യക്തമാക്കുന്നു. ആപ്ലിക്കേഷൻ വഴി വാഹന സർവ്വീസിന്റെ തത്സമയ ട്രാക്കിംഗ് നടത്താനും വാഹനം സർവീസ് ചെയ്യുമ്പോൾ ഉപഭോക്താവിന് ഒരു സർവ്വീസ് അഡ്വൈസറുമായി ബന്ധപ്പെടാനും കഴിയും.
ഈ ഓൺലൈൻ സേവനങ്ങൾക്ക് പുറമെ പേയ്മെന്റുകൾക്കും മറ്റും ഈ ആപ്ലിക്കേഷൻ സഹായിക്കുന്നു. വാഹന സർവീസിന്റെ ഇ - ഇൻവോയ്സ് ലഭ്യമാക്കുകയും അടുത്ത സർവീസ് കാലയളവിനുള്ള റിമൈൻഡറും മറ്റ് വിശദാംശങ്ങളും പങ്കിടുകയും ചെയ്യുന്നു ആപ്പിന്റെ ചില സവിശേഷതകൾ നിയന്ത്രിക്കുന്നതിന് വോയ്‌സ് കമാൻഡുകളുമായാണ് മൈ എം‌ജി അപ്ലിക്കേഷൻ വരുന്നത്. അടുത്തുള്ള എം‌ജി ഡീലറെ കണ്ടെത്താനും അവിടേക്കുള്ള വഴി നാവിഗേറ്റ് ചെയ്യാനും സഹായിക്കുന്നു, കൂടാതെ റോഡ് സൈഡ് അസിസ്റ്റൻസിനായി ഒറ്റ -ടാപ്പ് കോൾ സവിശേഷതയും ഇതിലുണ്ട്.
എം.ജിയുടെ (മോറിസ് ഗാരേജസ്) ഇന്ത്യയിലെ ആദ്യ മോഡലാണ് ഹെക്ടർ എസ്.യു.വി. 2019 ജൂൺ 27നാണ് ഹെക്ടർ വിപണിയിലെത്തുന്നത്. വിപണിയിൽ മികച്ച പ്രതികരണമാണ് വാഹനത്തിന്. കേന്ദ്രസർക്കാരിന്റെ 'മേക്ക് ഇൻ ഇന്ത്യ' പദ്ധതിയുടെ ചുവടുപിടിച്ചാണ് ഇന്ത്യയിലെ ആദ്യ ഇന്റർനെറ്റ് അധിഷ്ഠിത കാറായ ഹെക്ടറുമായി കമ്പനി ഇന്ത്യയിലെത്തിയത്.