ന്യൂയോര്‍ക്ക് : കൊവിഡ് പ്രതിരോധത്തിന് ആരോഗ്യ പ്രവര്‍ത്തകര്‍ക്ക് ഹൈഡ്രോക്‌സിക്ലോറോക്വിന്‍ നല്‍കാമെന്ന ഐ.സി.എം.ആര്‍ നിർദ്ദേശത്തിന് പിന്നാലെ മുന്നറിയിപ്പുമായി ലോകാരോഗ്യ സംഘടന.. ഹൈഡ്രോക്‌സി ക്ലോറോക്വീന്‍ മരുന്നിന് കൊവിഡ് വൈറസിനെ പ്രതിരോധിക്കാന്‍ സാധിക്കില്ലെന്ന് പരീക്ഷണങ്ങളില്‍ തെളിഞ്ഞതായി ലോകാരോഗ്യ സംഘടന പറയുന്നു.
മരുന്നിന്റെ ഫലപ്രാപ്തി പഠിക്കാനായി റാന്‍ഡം പരീക്ഷണങ്ങള്‍ നടത്തിയെന്നും മരുന്നിന്റെ പാര്‍ശ്വഫലങ്ങള്‍ കണക്കിലെടുത്ത് വിദഗ്ദ്ധരുടെ മേല്‍നോട്ടത്തില്‍ മാത്രമേ അത് രോഗികള്‍ക്ക് നല്‍കാവൂയെന്നും ലോകാരോഗ്യ സംഘടന എക്‌സിക്യൂട്ടീവ് ഡയറക്ടര്‍ മൈക്കിള്‍ റയാന്‍ പറയുന്നു.
മരുന്ന് ഉപയോഗിച്ചവര്‍ക്ക് മറ്റുള്ളവരേക്കാള്‍ രോഗബാധയുണ്ടാകാനുള്ള സാദ്ധ്യത കുറവാണെന്നാണ് ഐ.സി.എം.ആര്‍ പറയുന്നത്. രോഗലക്ഷണങ്ങള്‍ പ്രകടിപ്പിക്കാത്ത ആരോഗ്യ പ്രവര്‍ത്തകര്‍, കണ്ടെയ്ന്‍മെന്റി സോണില്‍ ഡ്യൂട്ടിയിലുള്ള സുരക്ഷാ ഉദ്യോഗസ്ഥര്‍ തുടങ്ങിയവരില്‍ പ്രതിരോധ മരുന്ന് എന്ന നിലയില്‍ നല്‍കാമെന്നാണ് ഐ..സി.എം.ആര്‍ പറയുന്നത്.