ഇടുക്കി: അതിർത്തി ചെക്പോസ്റ്റിൽ തമിഴ്നാട് സ്വദേശിയായ വരനും കുമളി സ്വദേശിയായ വധുവും വിവാഹിതരായി. കൊവിഡ് പശ്ചാത്തലത്തിൽ നിശ്ചയിച്ച മുഹൂർത്തത്തിൽ വരന് പാസ് ലഭിക്കാത്ത കാരണത്താൽ അതിർത്തി കടന്നുവരാൻ സാധിച്ചില്ല. തമിഴ്നാട് സ്വദേശി വരൻ പ്രസാദ്‌, കേരള വണ്ടിപ്പെരിയാർ സ്വദേശി വധു ഗായത്രിയുമാണ് അതിർത്തിയിലെത്തി വിവാഹിതരായത്.
കേരളത്തിലേക്ക് പോകാൻ വരന് പാസ് ഇല്ലാത്തതുകൊണ്ടും, തമിഴ്‌നാട്ടിലേക്ക് പോകാൻ വധുവിന് പാസ് ഇല്ലാത്തതു കൊണ്ടും കേരളാ - തമിഴ്നാട് അതിർത്തി പ്രദേശമായ കുമളിയിൽ കുമളി പൊലീസും, റവന്യൂ ഡിപ്പാർട്മെന്റും, വോളന്റീയർമാരും ഇടപെട്ട് വിവാഹം നടത്തി കൊടുത്തു.
വിവാഹം കഴിഞ്ഞ് ഉച്ചക്ക് ശേഷം മൂന്ന് മണിയോടെ വധുവിന് തമിഴ്നാട് പാസ് ലഭിച്ചു. തുടർന്ന് രണ്ടുപേരും വരന്റെ സ്വദേശമായ തമിഴ്നാട് പുതുപെട്ടിയിലേ വീട്ടിലേക്കു മടങ്ങി.