ന്യൂഡൽഹി: ലഡാക്ക് നിയന്ത്രണരേഖയോട് ചേർന്ന് ചൈന വ്യോമത്താവളം വിപുലീകരിക്കുന്നതിന്റെ വാർത്ത പുറത്തുവന്ന സാഹചര്യത്തിൽ ഉന്നതതല യോഗം വിളിച്ചുചേർത്തു. ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് അ​ജി​ത് ദോ​വ​ൽ, സംയുക്ത സൈനിക തലവൻ (ചീ​ഫ് ഓ​ഫ് ഡി​ഫ​ൻ​സ് സ്റ്റാ​ഫ്) ജനറൽ ബി​പി​ൻ റാ​വ​ത്ത്, മൂ​ന്നു സേ​നാ വിഭാഗങ്ങളുടെയും മേ​ധാ​വി​ക​ൾ എ​ന്നി​വ​രാണ് യോ​ഗ​ത്തി​ൽ പങ്കെടുക്കുന്നത്.

യോഗം ആരംഭിക്കുന്നതിന് തൊട്ടുമുൻപായി പ്ര​ധാ​ന​മ​ന്ത്രി മോദി വി​ദേ​ശ​കാ​ര്യ സെ​ക്ര​ട്ട​റി​യു​മാ​യും കൂ​ടി​ക്കാ​ഴ്ച ന​ട​ത്തി​. ആദ്യം കേന്ദ്ര പ്ര​തി​രോ​ധ​മ​ന്ത്രി രാ​ജ്നാ​ഥ് സിം​ഗു​മാ​യി കൂ​ടി​ക്കാ​ഴ്ച ന​ട​ത്തി​യ ശേ​ഷ​മാ​ണ് മൂ​ന്നു സേ​നാ വിഭാഗങ്ങളുടെ മേധാവിമാരും പ്ര​ധാ​ന​മ​ന്ത്രി​യെ കാ​ണാ​നായി എ​ത്തി​യ​ത്.

അ​തി​ർ​ത്തി​യി​ലെ പുരോഗമനങ്ങളും സ്ഥിതിഗതികളും സേനാ മേധാവിമാർ പ്ര​തി​രോ​ധ​മ​ന്ത്രി​യെ ധ​രി​പ്പി​ച്ചു. സി​ക്കിം, ല​ഡാ​ക്ക് മേ​ഖ​ല​ക​ളി​ൽ ചൈ​നീ​സ് ക​ട​ന്നു​ക​യ​റ്റ​മു​ണ്ടാ​യ​തി​ന്‍റെ പ​ശ്ചാ​ത്ത​ല​ത്തി​ലാ​ണ് ഡ​ൽ​ഹി​യി​ലെ ഉ​ന്ന​ത​ത​ല യോ​ഗ​ങ്ങ​ൾ നടക്കുന്നത്.ല​ഡാ​ക്കി​നു സ​മീ​പം ചൈ​ന വ്യോ​മ​താ​വ​ളം വിപുലീകരിക്കുന്നതിന്റെ സാറ്റലൈറ്റ് ദൃശ്യങ്ങൾ അൽപ്പം മുൻപ് പുറത്തുവന്നിരുന്നു.

ലഡാക്ക് അതിർത്തിർത്തിയിലുള്ള പാൻഗോംഗ് തടാകത്തിന് 200 കിലോമീറ്റർ അപ്പുറത്തുള്ള ചൈനീസ് എയർ ബേസിലാണ് വൻ തോതിലുള്ള നിർമാണ പ്രവർത്തനങ്ങൾ നടക്കുന്നതിന്റെ സാറ്റലൈറ്റ് ചിത്രങ്ങൾ പുറത്തുവന്നത്. ഷാഡോബ്രേക്ക് ഇന്റർനാഷണലിന്റെ കീഴിലുള്ള 'ഡെട്രെസ്‌ഫ' എന്ന ഓപ്പൺ സോഴ്സ് ഇന്റലിജൻസ് എക്സ്പെർട്ട് ആണ് ഈ സാറ്റലൈറ്റ് ചിത്രങ്ങൾ പുറത്തുവിട്ടിരിക്കുന്നത്.

ചിത്രങ്ങളിൽ നിന്നും വൻ തോതിലുള്ള നിർമാണ പ്രവർത്തനങ്ങൾ ചൈന ഇവിടെ നടത്തുന്നതായാണ് വ്യക്തമാകുന്നത്. ചൈനയുടെയും ഇന്ത്യയുടേയും സേനകൾ തമ്മിൽ മെയ് ആറിനും അഞ്ചിനും ലഡാക്ക് അതിർത്തിയിൽ വച്ച് സംഘർഷങ്ങൾ ഉടലെടുത്തിരുന്നു.