ഡെറാഡൂൺ: ആറ് വയസുകാരി ക്വാറന്റീൻ കേന്ദ്രത്തിൽ പാമ്പ് കടിയേറ്റ് മരിച്ചു. ഉത്തരാഖണ്ഡിലെ ബേട്ടൽഘാട്ടിലെ താത്കാലിക ക്വാറന്റീൻ കേന്ദ്രത്തിലാണ് സംഭവം. ഡൽഹിയിൽ നിന്നെത്തിയ പെൺകുട്ടിയും കുടുംബവും സർക്കാർ തയ്യാറാക്കിയ ക്വാറന്റീൻ കേന്ദ്രത്തിൽ കഴിയുന്നതിനിടെയാണ് ദാരുണമായ സംഭവം. രണ്ട് പേർക്കെതിരെ കേസെടുത്തതായി പൊലീസ് അറിയിച്ചു.

രാത്രി കുടുംബത്തോടൊപ്പം ഉറങ്ങുന്നതിനിടെയാണ് കുട്ടിക്ക് പാമ്പ് കടിയേറ്റതെന്നാണ് റിപ്പോർട്ട്. പാമ്പ് കടിയേറ്റത് ശ്രദ്ധയിൽപ്പെട്ടതോടെ കുട്ടിയെ സാമൂഹികാരോഗ്യ കേന്ദ്രത്തിലെത്തിച്ചെങ്കിലും മരിക്കുകയായിരുന്നു. ഉദ്യോ​ഗസ്ഥരുടെ അനാസ്ഥയാണ് കുട്ടിയുടെ മരണത്തിന് ഇടയാക്കിയതെന്നാണ് ആരോപണം. ഒരു സ്‌കൂൾ കെട്ടിടമാണ് അധികൃതർ താത്കാലിക ക്വാറന്റീൻ കേന്ദ്രമാക്കി മാറ്റിയത്. ഇവിടെ പാമ്പ് ശല്യമുണ്ടെന്നും മാളങ്ങളുണ്ടെന്നും അന്തേവാസികൾ നേരത്തെ പരാതി ഉന്നയിച്ചിരുന്നുവെന്നാണ് റിപ്പോർട്ടുകൾ.