തിരുവനന്തപുരം: കൊവിഡ് വ്യാപ​ന​ത്തിന്റെ പശ്ചാ​ത്ത​ല​ത്തിൽ പരീ​ക്ഷാ​ന​ട​ത്തി​പ്പിന് കേരള സർവ​ക​ലാ​ശാല സജ്ജ​മാ​യി. ആറാം സെമ​സ്റ്റർ സി.​ബി.​സി.​എ​സ്.​എസ് പരീ​ക്ഷ​കൾ സർക്കാർ കൊവിഡ് പ്രോട്ടോ​ക്കോൾ അനു​സ​രി​ച്ച്​ ജൂൺ 2 മുതൽ 12 വരെ കേര​ള​ത്തിലെ എല്ലാ ജില്ല​ക​ളി​ലും ലക്ഷ​ദ്വീ​പിലുമായി നട​ത്തും.

ഓരോ സെഷൻ കഴി​യു​മ്പോഴും പരീക്ഷാഹാളു​കൾ അണു​വി​മു​ക്ത​മാക്കും. പരീ​ക്ഷാ​കേ​ന്ദ്ര​ത്തി​ലേക്ക് ഒരു പ്രവേ​ശ​ന​ക​വാടം മാത്രമേ അനു​വ​ദി​ക്കുക​യു​ള​ളൂ. പരീക്ഷ എഴു​തേണ്ട വിദ്യാർത്ഥി​കൾ, ബന്ധ​പ്പെട്ട ഉദ്യോ​ഗ​സ്ഥർ എന്നി​വരെ അല്ലാതെ ആരെയും അനു​വ​ദി​ക്കില്ല. പരീക്ഷ തുട​ങ്ങു​ന്ന​തിന് ഒരു മണി​ക്കൂർ മുൻപ് മാത്രമേ പ്രവേ​ശനം അനു​വ​ദി​ക്കൂ. പരീ​ക്ഷാ​കേ​ന്ദ്ര​ത്തിന്റെ പ്രവേ​ശ​ന​ക​വാ​ട​ത്തിൽ സോപ്പും വെള​ളവും ഉറ​പ്പാ​ക്കും. വിദ്യാർത്ഥി​കൾ നിർബ​ന്ധ​മായും മാസ്‌ക് ധരി​ക്കണം. ഹോട്ട്സ്‌പോ​ട്ടു​കൾ/തീവ്ര​മേ​ഖ​ല​കൾ എന്നി​വി​ട​ങ്ങ​ളിൽ നിന്നു വരുന്നവർക്കും ക്വാറ​ന്റൈ​നി​ലു​ളളവർക്കും പരീക്ഷയെഴുതാൻ പ്രത്യേക മുറി സജ്ജീ​ക​രി​ക്കും. പരീക്ഷാഹാളിൽ വിദ്യാർത്ഥി​കളും ഇൻവി​ജി​ലേ​റ്റർമാരും സാനിട്ടൈ​സർ ഉപ​യോ​ഗിച്ച് കൈകൾ വൃത്തി​യാ​ക്കി​യ​തി​നു​ശേ​ഷമേ ചോദ്യ​പേ​പ്പറും ഉത്ത​ര​ക്ക​ട​ലാസ് വിത​ര​ണവും നട​ത്തു​കയുള​ളൂ. വിദ്യാർത്ഥി​കൾ തമ്മിൽ കുറ​ഞ്ഞത് ഒരു മീറ്റർ അക​ല​മെ​ങ്കിലും പാലി​ക്കണം. പരീക്ഷാ ഹാളി​നു​ള​ളിൽ പേന, പെൻസിൽ തുടങ്ങിയവയുടെ കൈമാറ്റം അനു​വ​ദി​ക്കില്ല. കോളേജ്/പരീ​ക്ഷാ​കേ​ന്ദ്ര​ത്തിന്റെ മുമ്പിലോ പരി​സ​രത്തോ രക്ഷാ​കർത്താ​ക്കളെ തങ്ങാൻ അനു​വ​ദി​ക്കില്ല. പരീക്ഷ കഴി​ഞ്ഞ​യു​ടൻ വിദ്യാർത്ഥി​കൾ പരീ​ക്ഷാ​കേ​ന്ദ്ര​ത്തി​ൽ നിന്നു പുറ​ത്തു​പോ​കണം.