കൊൽക്കത്ത: പശ്ചിമ ബംഗാളിൽ ജൂൺ ഒന്നു മുതൽ ക്ഷേത്രങ്ങൾ, മുസ്ലീം,​ ക്രിസ്ത്യൻ പള്ളികൾ, ഗുരുദ്വാരകൾ എന്നിവയടക്കമുള്ള എല്ലാ ആരാധനാലയങ്ങളും തുറക്കുമെന്ന് മുഖ്യമന്ത്രി മമത ബാനർജി. പത്തിൽ കൂടുതൽ ആളുകളെ ആരാധനാലയങ്ങളിൽ പ്രവേശിപ്പിക്കില്ല. ഇവിടങ്ങളിൽ ആളുകൾ ഒത്തുചേരാനും പാടില്ല.

കൂടാതെ,തേയില, ചണം വ്യവസായങ്ങളും എല്ലാ സർക്കാർ - സ്വകാര്യ ഓഫീസുകളും ജൂൺ ഒന്നു മുതൽ പ്രവർത്തനമാരംഭിക്കും.

കഴിഞ്ഞ രണ്ട് മാസത്തിനുള്ളിൽ കൊവിഡ്‌ വ്യാപനം നിയന്ത്രിക്കുന്നതിൽ പശ്ചിമ ബംഗാൾ വിജയിച്ചെന്ന് മമത പറഞ്ഞു. എന്നാൽ, പുറത്തു നിന്ന് ആളുകൾ വരുന്നത് മൂലം കേസുകൾ ഇപ്പോൾ വർദ്ധിക്കുന്നുണ്ടെന്നും അവർ കൂട്ടിച്ചേർത്തു.