ന്യൂഡൽഹി: രാജ്യത്തെ കൊവിഡ് ബാധിതരുടെ എണ്ണം 1.80 ലക്ഷം കടന്നു. ഇതുവരെ 5,144 പേർക്ക് ജീവൻ നഷ്ടമായി. രോഗബാധ ഏറ്റവും കൂടുതൽ രൂക്ഷമായ മഹാരാഷ്ട്രയിൽ 2940 പുതിയ കൊവിഡ് രോഗികളും 99 മരണവുമാണ് ഇന്ന് റിപ്പോർട്ട് ചെയ്തത്. ആകെ കൊവിഡ് കേസുകൾ 65,​168 ആയി. മരണം 2197. ധാരാവിയിൽ 18 പുതിയ കൊവിഡ് രോഗികളും ഒരു മരണവുമാണ് ഇന്ന് റിപ്പോ‌ർട്ട് ചെയ്തത്.

തമിഴ്നാട്ടിൽ 856 പുതിയ കൊവിഡ് രോഗികളും 6 മരണവുമാണ് ഇന്ന് ഉണ്ടായത്. ഇതോടെ സംസ്ഥാനത്തെ ആകെ കേസുകൾ 21,​184 ആയി ഉയർന്നു.

രാജ്യതലസ്ഥാനമായ ഡൽഹിയിൽ തുടർച്ചയായ മൂന്നാംദിവസവും പുതിയ കൊവിഡ് രോഗികൾ ആയിരം കടന്നു. 1163 പുതിയ രോഗികളും 18 മരണവും. ആകെ കേസുകൾ 18,​549. ഗുജറാത്തിൽ 412 പുതിയ കൊവിഡ് രോഗികളും 27 മരണവും. പശ്ചിമബംഗാളിൽ 317 പുതിയ രോഗികളും ഏഴു മരണവും. ജമ്മുകാശ്‌മീരിൽ 177, ഛത്തീസ്ഗഢിൽ 32, ഹരിയാനയിൽ 202 ,കർണാടകയിൽ 141 , ഒഡിഷ 96, ആന്ധ്രാപ്രദേശ് 131,പഞ്ചാബ് 36 എന്നിങ്ങനെയാണ് പുതിയ രോഗികൾ