മ​ഞ്ചേ​രി: നാ​ടി​ന്റെ മ​ത​മൈ​ത്രി ഊ​ട്ടി​യു​റ​പ്പി​ക്കാൻ ഈ റ​മ​ദാ​നി​ലും നോ​മ്പു​കാ​രാ​വു​ക​യാ​ണ്
മ​ഞ്ചേ​രി മേ​ലാ​ക്കം കോ​ഴി​ക്കാ​ട്ടു​കു​ന്നി​ലെ ഗം​ഗാ​ധ​ര​നും കു​ടും​ബ​വും. തു​ടർ​ച്ച​യാ​യി മൂ​ന്നാം വർ​ഷ​മാ​ണ് സാ​യി​കൃ​പ' വീ​ട്ടി​ലെ നോ​മ്പ​നു​ഷ്ടാ​നം. ഗം​ഗാ​ധ​രൻ, മ​ക്ക​ളാ​യ വി​ജി​ഷ, ജി​ജി​ഷ എ​ന്നി​വ​രാ​ണ് ക​ഴി​ഞ്ഞ മൂ​ന്ന് വർ​ഷ​മാ​യി നോ​മ്പെ​ടു​ക്കു​ന്ന​ത്. ഇ​ത്ത​വ​ണ ലോ​ക് ഡൗൺ കാ​ല​മാ​യ​തി​നാൽ ഗം​ഗാ​ധ​ര​ന്റെ സ​ഹോ​ദ​ര​ന്റെ മ​ക്ക​ളും ഇ​വർ​ക്ക് കൂ​ട്ടി​നു​ണ്ട്. സ​ഹോ​ദ​രൻ സ്വാ​മി​നാ​ഥി​ന്റൈ മ​ക്ക​ളാ​യ മ​ല​പ്പു​റ​ത്ത് എൻ​ജി​നീ​യ​റാ​യി ജോ​ലി ചെ​യ്യു​ന്ന സ്വാ​തി, പ്ല​സ് ടു വി​ദ്യാർ​ഥി ശ്യാ​നാ​ഥ്, മ​റ്റൊ​രു സ​ഹോ​ദ​രൻ അ​നിൽ​കു​മാ​റി​ന്റെ മക്ക​ളാ​യ ആ​റാം ക്ലാ​സു​കാ​ര​നാ​യ മി​ഥുൻ, എ​സ്.എ​സ്.എൽ.സി വി​ദ്യാർത്​ഥി​നി​യാ​യ ന​മി​ത, മ​റ്റൊ​രു സ​ഹോ​ദ​ര​ന്റെ മ​ക​ളു​ടെ മകൾ ആ​ദി​ത്യ എ​ന്നി​വ​രാ​ണ് ഇ​ത്ത​വ​ണ നോ​മ്പെ​ടു​ക്കു​ന്ന​ത്. കു​ടും​ബം പൂർ​ണ പി​ന്തു​ണ നൽ​കു​ന്ന​താ​യി ഗം​ഗാ​ധ​രൻ പ​റ​ഞ്ഞു.
സു​ഹൃ​ത്തു​ക്ക​ളു​ടെ നോ​മ്പ് തു​റ​ക്കാ​യി പോ​വു​മ്പോൾ നോ​മ്പെ​ടു​ക്കു​മാ​യി​രു​ന്നു ജി​ജി​ഷ, ഇ​ത് പി​ന്നീ​ട് ജീ​വി​ത​ത്തി​ന്റെ ഭാ​ഗ​മാ​യി
പു​ല്ലൂ​രി​ലെ സ്വ​കാ​ര്യ സ്ഥാ​പ​ന​ത്തിൽ അ​ക്കൗ​ണ്ടന്റാ​യി ജോ​ലി ചെ​യ്യു​ന്ന ജി​ജി​ഷ​യ്ക്ക് സ​ഹ​പ്ര​വർ​ത്ത​ക​രും പി​ന്തു​ണ നൽ​കു​ന്നു​ണ്ട്. ലോ​ക് ഡൗൺ ആ​യ​തോ​ടെ​യാ​ണ് വീ​ട്ടി​ലെ​ത്തി​യ മ​റ്റു​ള്ള​വ​രും കൂ​ട്ട​ത്തോ​ടെ നോ​മ്പെ​ടു​ക്കാൻ ആ​രം​ഭി​ച്ച​ത്. ഗം​ഗാ​ധ​ര​ന്റെ ഭാ​ര്യ ഷീ​ബ ഇ​വർ​ക്ക് നോ​മ്പ് തു​റ​ക്കാ​നാ​വ​ശ്യ​മാ​യ വി​ഭ​വ​ങ്ങൾ ത​യ്യാ​റാ​ക്കും. കൂ​ടാ​തെ നോ​മ്പ് തു​റ​വി​ഭ​വ​ങ്ങ​ളു​മാ​യി സു​ഹൃ​ത്തു​ക്ക​ളും
സാ​യി​ കൃ​പ​യി​ലെ​ത്താ​റു​ണ്ട് ,ഒ​രു നാ​ടി​ന്റെ​ മാ​ന​വി​ക​ത​യു​ടെ മ​ഹ​ത്താ​യ സ​ന്ദേ​ശം കൂ​ടി​യാ​ണ് ഇ​ത്ത​രം കു​ടു​ബ​ങ്ങൾ സ​മൂ​ഹ​ത്തിന് പ​കർ​ന്ന് നൽ​കു​ന്ന​ത്.