മലപ്പുറം: കുവൈത്തിൽ നിന്നെത്തിയ തിരൂർ ബി.പി. അങ്ങാടി സ്വദേശിയായ 27കാരി ഗർഭിണിക്കും മൂന്ന് വയസുള്ള മകനും കൊവിഡ് സ്ഥിരീകരിച്ചു. മേയ് ഒമ്പതിന് കൊച്ചി വഴിയെത്തിയ ഇവർ മഞ്ചേരി മെഡിക്കൽ കോളേജിൽ ചികിത്സയിലാണ്. കുവൈത്തിലെ അബ്ബാസിയയിൽ ഭർത്താവിനും ഭർതൃ പിതാവിനുമൊപ്പമായിരുന്നു താമസം. ഏപ്രിൽ 30ന് കൊവിഡ് സ്ഥിരീകരിച്ച് ഭർതൃപിതാവ് കുവൈത്തിൽ ചികിത്സ തേടി. മേയ് ഏഴിന് ഇവർക്കും ഭർത്താവിനും മകനും കൊവിഡ് പരിശോധന നടത്തി. ഗർഭിണിയായതിനാൽ മകനൊപ്പം മേയ് ഒമ്പതിന് രാത്രി 9.30ന് എയർ ഇന്ത്യ എക്‌സ്‌പ്രസ് വിമാനത്തിൽ നെടുമ്പാശ്ശേരിയിലെത്തി. വിമാനത്താവളത്തിലെ പരിശോധനകളിൽ കാര്യമായ ആരോഗ്യപ്രശ്നങ്ങൾ ഇല്ലാഞ്ഞതിനെ തുടർന്ന് ഭർതൃമാതാവിനും ഭർതൃ സഹോദരനുമൊപ്പം കാറിൽ വീട്ടിലേയ്ക്ക് മടങ്ങി. കുവൈത്തിൽ നടത്തിയ പരിശോധനയിൽ ഇരുവർക്കും കൊവിഡ് ബാധയുണ്ടെന്ന വിവരത്തെ തുടർന്ന് മേയ് 11ന് ആരോഗ്യവകുപ്പുമായി ഫോണിൽ ബന്ധപ്പെട്ടു. ഇരുവരെയും മഞ്ചേരി മെഡിക്കൽ കോളേജിൽ ഐസൊലേഷനിൽ പ്രവേശിപ്പിച്ച് സാമ്പിളെടുത്ത് പരിശോധനയ്ക്കയച്ചു. ഇന്നലെ അമ്മയ്ക്കും മകനും രോഗബാധ സ്ഥിരീകരിച്ചു.

ഇവരുമായി നേരിട്ട് സമ്പർക്കമുണ്ടായ ഭർതൃമാതാവ്, ഭർതൃ സഹോദരൻ എന്നിവരും മഞ്ചേരി മെഡിക്കൽ കോളേജിൽ നിരീക്ഷണത്തിലാണ്. സഹയാത്രികനായിരുന്ന കരുളായി പാലേങ്കര സ്വദേശിക്കും കഴിഞ്ഞ ദിവസം കൊവിഡ് സ്ഥിരീകരിച്ചിരുന്നു.

ബ​ഹ്റൈ​നി​ൽ​ ​നി​ന്നു​ള്ള​
​നാ​ലു​പേ​ർ​ക്ക് ​കൊ​വി​ഡ് ​ല​ക്ഷ​ണം
മ​ല​പ്പു​റം​:​ ​ബ​ഹ്റൈ​നി​ൽ​ ​നി​ന്നു​ ​ചൊ​വാ​ഴ്ച​ ​പു​ല​‌​‌​ർ​ച്ചെ​ ​ക​രി​പ്പൂ​രി​ലി​റ​ങ്ങി​യ​ 184​ ​യാ​ത്ര​ക്കാ​രി​ൽ​ ​നാ​ലു​പേ​രെ​ ​കൊ​വി​ഡ് ​ല​ക്ഷ​ണ​ങ്ങ​ളോ​ടെ​ ​കോ​ഴി​ക്കോ​ട് ​ഗ​വ.​ ​മെ​ഡി​ക്ക​ൽ​ ​കോ​ളേ​ജ് ​ആ​ശു​പ​ത്രി​യി​ൽ​ ​പ്ര​വേ​ശി​പ്പി​ച്ചു.​ ​
കോ​ഴി​ക്കോ​ട് ​സ്വ​ദേ​ശി​ക​ളാ​യ​ ​മൂ​ന്നു​പേ​ർ​ക്കും​ ​പാ​ല​ക്കാ​ട് ​സ്വ​ദേ​ശി​യാ​യ​ ​ഒ​രാ​ൾ​ക്കു​മാ​ണ് ​ആ​ദ്യ​ഘ​ട്ട​ ​പ​രി​ശോ​ധ​ന​യി​ൽ​ ​ത​ന്നെ​ ​രോ​ഗ​ല​ക്ഷ​ണ​ങ്ങ​ൾ​ ​ക​ണ്ട​ത്.​ ​
ഇ​വ​രെ​ ​മ​റ്റു​ ​യാ​ത്ര​ക്കാ​ർ​ക്കൊ​പ്പം​ ​പ്ര​വേ​ശി​പ്പി​ക്കാ​തെ​ ​റ​ൺ​വേ​യി​ൽ​ ​ആം​ബു​ല​ൻ​സു​ക​ളെ​ത്തി​ച്ച് ​ആ​ശു​പ​ത്രി​യി​ലേ​ക്ക് ​കൊ​ണ്ടു​പോ​യി.