മലപ്പുറം.: മാസ്ക് ധരിക്കാതെ വീടുകളിൽ നിന്ന് പുറത്തിറങ്ങി പിടിയിലാവുന്നവർക്ക് പൊലീസിന്റെ വക മാസ്ക് സൗജന്യം. മാസ്ക് ധരിക്കാതെ പുറത്തിറങ്ങിയ 334 പേർക്കെതിരെ ഇന്നലെ പൊലീസ് കേസെടുത്ത് പിഴ ഈടാക്കി. ഇവർക്കെല്ലാം സൗജന്യമായി മാസ്ക് നൽകിയതായി ജില്ലാ പൊലീസ് മേധാവി യു. അബ്ദുൾ കരീം അറിയിച്ചു
ജില്ലയിൽ 21 പുതിയ കേസുകൾ
മലപ്പുറം: നിരോധനാജ്ഞ ലംഘിച്ചതിന് ജില്ലയിൽ പൊലീസ് 21 കേസുകൾ കൂടി ഇന്നലെ രജിസ്റ്റർ ചെയ്തതായി ജില്ലാ പൊലീസ് മേധാവി യു. അബ്ദുൾ കരീം അറിയിച്ചു. വിവിധ സ്റ്റേഷനുകളിലായി 21 പേരെ ഇന്നലെ അറസ്റ്റ് ചെയ്തു.
നിർദ്ദേശങ്ങൾ ലംഘിച്ച് നിരത്തിലിറക്കിയ അഞ്ച് വാഹനങ്ങളും പിടിച്ചെടുത്തിട്ടുണ്ട്.
ഇതോടെ നിരോധനാജ്ഞ ലംഘിച്ചതിന് പൊലീസ് രജിസ്റ്റർ ചെയ്ത കേസുകളുടെ എണ്ണം 4,225 ആയി. 5,207 പേരെയാണ് ഇതുവരെ അറസ്റ്റു ചെയ്തത്.
ജില്ലയിലാകെ ഇതുവരെ 2,490 വാഹനങ്ങളും പിടിച്ചെടുത്തിട്ടുണ്ട്.